Qazaqstandaǵy aqyly joldardyń tarifi men odan túsetin qarajattyń jumsalý baǵyty týraly Úkimet kýlýarynda "QazAvtoJol" UK" AQ basqarma tóraǵasy Darhan Imanashev málimdedi, dep habarlaidy dalanews.kz.
Onyń aitýynsha, Qazaqstandaǵy aqyly joldardyń baǵasy kórshi eldermen salystyrǵanda tómen deńgeide.
– Bizdiń joldar Resei, Ózbekstan jáne Qyrǵyzstanmen salystyrǵanda eń arzan. Aqyly joldardyń arqasynda sońǵy úsh jylda 1,8 myńnan astam arnaiy tehnika satyp alyndy. Sol tehnikalar arqyly joldardy kútip-ustap otyrmyz. Bul jumystar úshin biýdjetten qosymsha qarjy suramaimyz, – dedi Darhan Imanashev.
Basqarma tóraǵasynyń sózinshe, aqyly joldardan túsken qarajat jol jamylǵysyn jańartýǵa, jol tańbalaryn salýǵa jáne maldyń jolǵa shyǵýyn boldyrmaityn qorshaýlar ornatýǵa jumsalady.
Sondai-aq bul qarajat respýblikalyq mańyzy bar avtomobil joldarynyń sapasyn saqtap, olardyń qaýipsizdigin arttyrýǵa múmkindik berip otyr.
