Aqtóbedegi terakti: Nazarbaev ne dedi?
"Biz munyń salafizm dástúrli emes dini aǵymynyń zulymdyq áreketi ekenin bilemiz. Respýblikadaǵy dini senim bostandyǵyn qamtamasyz ete otyryp, biz sonymen qatar dini urandarmen búrkenip, eldegi jaǵdaidy shaiqaltqysy keletinderdiń barlyǵyna tabandy toitarys berýimiz kerek", - dedi memleket basshysy Qaýipsizdik keńesiniń barysynda.
Jiynda Aqtóbede 5-6 maýsym aralyǵynda bolǵan oqiǵalarǵa baǵa berildi jáne eldegi qaýipsizdikti qamtamasyz etý boiynsha sharalardyń tizimi anyqtaldy. Bas prokýrordyń, ishki ister ministriniń, UQK tóraǵasynyń jáne Aqtóbe oblysy ákiminiń baiandamasy tyńdaldy.
Qazaqstan Prezidenti Qaýipsizdik keńesiniń jáne óz atynan qaza bolǵandardyń týystary men jaqyndaryna kóńil aitty. Memleket tarapynan qaza bolǵandardyń otbasyna kómek kórsetiletini aityldy.
Nursultan Nazarbaev barlyq qazaqstandyqty qylmyskerlerge qatysty qoldaý áreketteri úshin, ulttyq aza tutý kúni kóringen birligi úshin alǵys aitty.
Memleket basshysy lańkesterge tiimdi qarsylyq tanytqan politsiia, Ulttyq gvardiia, arnaiy bólimshelerdiń qyzmetkerlerine alǵysyn bildirdi.
Qazaqstan Prezidenti bolǵan shabýyldardy maǵynasyz ári zulymdyq áreket ekenin aitty.
