"ءبىز مۇنىڭ سالافيزم ءداستۇرلى ەمەس ءدىني اعىمىنىڭ زۇلىمدىق ارەكەتى ەكەنىن بىلەمىز. رەسپۋبليكاداعى ءدىني سەنىم بوستاندىعىن قامتاماسىز ەتە وتىرىپ، ءبىز سونىمەن قاتار ءدىني ۇراندارمەن بۇركەنىپ، ەلدەگى جاعدايدى شايقالتقىسى كەلەتىندەردىڭ بارلىعىنا تاباندى تويتارىس بەرۋىمىز كەرەك"، - دەدى مەملەكەت باسشىسى قاۋىپسىزدىك كەڭەسىنىڭ بارىسىندا.
جيىندا اقتوبەدە 5-6 ماۋسىم ارالىعىندا بولعان وقيعالارعا باعا بەرىلدى جانە ەلدەگى قاۋىپسىزدىكتى قامتاماسىز ەتۋ بويىنشا شارالاردىڭ ءتىزىمى انىقتالدى. باس پروكۋروردىڭ، ىشكى ىستەر ءمينيسترىنىڭ، ۇقك ءتوراعاسىنىڭ جانە اقتوبە وبلىسى اكىمىنىڭ بايانداماسى تىڭدالدى.
قازاقستان پرەزيدەنتى قاۋىپسىزدىك كەڭەسىنىڭ جانە ءوز اتىنان قازا بولعانداردىڭ تۋىستارى مەن جاقىندارىنا كوڭىل ايتتى. مەملەكەت تاراپىنان قازا بولعانداردىڭ وتباسىنا كومەك كورسەتىلەتىنى ايتىلدى.
نۇرسۇلتان نازاربايەۆ بارلىق قازاقستاندىقتى قىلمىسكەرلەرگە قاتىستى قولداۋ ارەكەتتەرى ءۇشىن، ۇلتتىق ازا تۇتۋ كۇنى كورىنگەن بىرلىگى ءۇشىن العىس ايتتى.
مەملەكەت باسشىسى لاڭكەستەرگە ءتيىمدى قارسىلىق تانىتقان پوليسيا، ۇلتتىق گۆارديا، ارنايى بولىمشەلەردىڭ قىزمەتكەرلەرىنە العىسىن ءبىلدىردى.
قازاقستان پرەزيدەنتى بولعان شابۋىلداردى ماعىناسىز ءارى زۇلىمدىق ارەكەت ەكەنىن ايتتى.
