Aqtóbe qalasy Almaty aýdany Aqjar kóshesinde ornalasqan avtogaz quiý stantsiiasynyń jer ústi rezervýarlarynyń birinde gaz aýa qospasy janyp, saldarynan jarylys bolyp, jalyn ekinshi tsisternaǵa, turaqta turǵan gaz tasymaldaýshy kólikke jáne operatorlyq ǵimaratqa taraǵan, dep habarlaidy Dalanews.kz.
TJD kúshteri oqiǵa ornyna qysqa ýaqytta jetken. Órtsóndirýshiler qaýipti jaǵdaida jumys istep, jarylystardyń aldyn alyp, jalyn odan ári taraýyna jol bermegen.
Qutqarýshylardyń kásibi áreketiniń arqasynda órt tolyq sóndirilgen.
"Zardap shekkender joq. Órtti sóndirý jumystaryna TJD, JQJ jáne Apattar meditsinasy ortalyǵynyń shamamen 60 qyzmetkeri jáne 16 tehnikasy jumyldyryldy", - dedi TJM ókilderi.
