Aqtóbe oblysynda 90-jyldardaǵy toilardy eske túsiretin erekshe kortej áleýmettik jeli qoldanýshylarynyń nazaryn aýdardy. Alaida merekelik sharaǵa qatysqan júrgizýshilerdiń birqatary jol qozǵalysy erejelerin buzǵany úshin ákimshilik jaýapkershilikke tartyldy, dep habarlaidy dalanews.kz.
Polisia.kz málimetinshe, áleýmettik jelilerde taraǵan beinejazbada 90-jyldar stilinde bezendirilgen kólikter men sol kezeńniń atmosferasyn jańǵyrtqan toi kórinisteri beinelengen.
Alaida politsiia qyzmetkerleri beinejazbaǵa júrgizgen monitoring nátijesinde birneshe quqyq buzýshylyqty anyqtaǵan. Atap aitqanda, keibir júrgizýshiler jolaýshylardy kólik kabinasynan tys tasymaldaǵan. Sonymen qatar syrtqy jaryq berý aspaptary men dybystyq signaldardy paidalaný talaptaryn buzý faktileri tirkelgen.
Tekserý barysynda quqyq buzýshylardyń Qarǵaly aýdanynyń turǵyndary ekeni anyqtaldy. Barlyq qatysýshylarǵa qatysty qoldanystaǵy zańnamaǵa sáikes ákimshilik hattamalar toltyrylyp, tiisti sharalar qabyldandy.
Politsiia merekelik is-sharalar kezinde de jol qozǵalysy erejelerin qatań saqtaý qajet ekenin eske salyp, qaýipsizdik talaptaryn buzýdyń adam ómiri men densaýlyǵyna qaýip tóndirýi múmkin ekenin atap ótti.
