16 jasar jasóspirim Belqopa aýyly mańyndaǵy iri apattan aman qalǵan. Osy aptada Aqtóbe oblysynyń densaýlyq saqtaý basqarmasy naýqastyń komadan shyǵyp, esin jıǵanyn málimdedi, dep habarlaıdy Dalanews.kz.
Naýqas Aqtóbe oblystyq balalar aýrýhanasynyń reanımasıa bólminde aýyr jaǵdaıda jatyr. Ol erte kezeńdegi reabılıtasıadan ótýde. Dárigerler oń dınamıka baryn atap ótti, alaıda jasóspirimge alǵan jaraqattarynyń aýyrlyǵyna baılanysty uzaq ýaqyt boıy qalpyna kelý qajet bolatynyn aıtty.
Belqopa aýyly mańyndaǵy jol-kólik apaty 23 qazan kúni boldy. Jolaýshylardy tasymaldaıtyn mıkroavtobýs júk kóligimen soqtyǵysqan. 12 adam qaza taýyp, birneshe adam zardap shekti. Taǵy eki adam aýrýhanadan shyǵaryldy.
