16 جاسار ءجاسوسپىرىم بەلقوپا اۋىلى ماڭىنداعى ءىرى اپاتتان امان قالعان. وسى اپتادا اقتوبە وبلىسىنىڭ دەنساۋلىق ساقتاۋ باسقارماسى ناۋقاستىڭ كومادان شىعىپ، ەسىن جيعانىن مالىمدەدى، دەپ حابارلايدى Dalanews.kz.
ناۋقاس اقتوبە وبلىستىق بالالار اۋرۋحاناسىنىڭ رەانيماسيا بولمىندە اۋىر جاعدايدا جاتىر. ول ەرتە كەزەڭدەگى رەابيليتاسيادان وتۋدە. دارىگەرلەر وڭ ديناميكا بارىن اتاپ ءوتتى، الايدا جاسوسپىرىمگە العان جاراقاتتارىنىڭ اۋىرلىعىنا بايلانىستى ۇزاق ۋاقىت بويى قالپىنا كەلۋ قاجەت بولاتىنىن ايتتى.
بەلقوپا اۋىلى ماڭىنداعى جول-كولىك اپاتى 23 قازان كۇنى بولدى. جولاۋشىلاردى تاسىمالدايتىن ميكرواۆتوبۋس جۇك كولىگىمەن سوقتىعىسقان. 12 ادام قازا تاۋىپ، بىرنەشە ادام زارداپ شەكتى. تاعى ەكى ادام اۋرۋحانادان شىعارىلدى.
