Aqtóbede sheneýnikter keremet kresloǵa tapsyrys bergen
Habarlandyrýda kreslonyń emennen jasalyp, terimen qaptalyp, altyn jalatylǵan symdarmen tigilýi kerektigi aitylǵan. Mundai erekshe múlik úshin qazynanyń 630 myń teńgesin aiamaityndaryn jazypty. Biraq, daǵdarys kezinde daraqylanǵan sheneýnikter jurt daýryqqan soń railarynan qaityp otyr. On kún buryn jariialaǵan habarlandyrýda qate ketti dep endi aqtalyp álek.
Oǵan jol bergen qyzmetkerge qatań sógis jariialap ta úlgergen. Altyn oryntaqqa jaiǵaspaq bolǵan ákimniń Is basqarmasynyń basshysy Ádil Seisenbaevty ornynan taba almadyq. Al qaramaǵyndaǵylar kreslonyń altyn emes, sary tústi bolǵanyn qaladyq dep ózderinshe túsindirgendei boldy.
Baqytbek Aiaǵanov, Aqtóbe oblysy ákimi is basqarmasynyń zańgeri:
– Altyn emes, sol sary tústi bolý kerek dep aittyq. Altyn bolý úshin karaty bolýy kerek, quramy bolýy kerek. Eger taza altynan bolatyn bolsa. Ol jaqta olai jazylmaǵan. Shegeleriniń túsi ǵana jazylǵan.
