Bes jyl boiy úreimen ómir súrgen áiel endi qaitpek? Politseilerge ozbyr erkekti qamaýǵa alýǵa ne kedergi? Bul týraly «Eýraziia» birinshi arnasy habarlaidy.
«Myna qulaǵym bylai isip ketti, urǵanda myna jerde sotriasenie alǵanmyn» - deidi jábirlenýshi.
Gúlsimniń azamattyq nekedegi kúieýimen kóńil jarastyrǵanyna bes jyl bolǵan. Sodan beri kórgenim tek qorlyq dep otyr. Qit etse judyryǵyn ala júgiretin kúieýi eshteńeden qaimyqpaityn kórinedi. Óitkeni Gúlsim – jetim, izdeýshisi joq, áke shesheden erte airylǵan. Birinshi kúieýinen erip kelgen ulyn shettetkeni bylai tursyn, óziniń eki balasyn da túrtpekteitindi shyǵarypty.
«Qolymen urady, pyshaqpen urady, baltamen qýyp shyǵady, solai.
Osy jaqynda dekabrde bizdi degen qýyp shyqty baltamen.
Úlken ulymdy uryp, meni uryp, shashymnan tartyp, Sen úidi bosat, men osy bes jyl boiy baǵyp kele jatyrmyn, myna ógei balańmen dep, úiin qyzǵanady, sabaidy. Durys ómir súrgenim joq, bes jyl boiy qorlyq kórip kele jatyrmyn» - deidi qorlyq kórgen kelinshek Gúlsim Jienbaeva.
Áieli men balalaryna kún kórsetpeitin 61 jastaǵy azamatqa politseiler tek aiyppul salýdan basqa shara qoldana almaityndyqtaryn aitady. Óitkeni, ol psihonevrologiialyq dispanserdiń esebinde turǵan kórinedi. Júikesi syr bergen ákemen balalardy qaldyrýdan seskengen mamandar eki jáne bes jastaǵy eki balasyn Gúlsimge alyp berdi. Qazir kelinshekke qaladan ýaqytsha jatyn oryn men jumys taýyp bergen. Al balalary saýyqtyrý ortalyǵynda em qabyldap jatyr.
«Qinalyp, otbasyn saqtap qalý úshin bizge kóp habarlaspaidy, biraq ózderiniń erkimen kómek suraǵandar sany qazir 564-ke jetip otyr. Osylarǵa QR ákimshilik quqyqbuzýshylyq Kodeksiniń 73-babymen sot arqyly sheshiledi, keibir materialdar tipti sotqa jetpei, kúieýlerimen tatýlasý arqyly sheshilip jatady» - deidi qalalyq IIB jergilikti politsiia qyzmetiniń aǵa inspektory Nurgúl Joldybaeva.
Otbasynda otaǵasynan teperish kórip, zorlyq tartyp júrgen jalǵyz Gúlsim emes. Sońǵy ýaqytta áieline álimjettik jasaityndar kóbeigen. Ári jaǵymsyz statistika jyl saiyn artyp kele jatqany mamandardy da qynjyltady.
Kúieýinen kúnde tepki kóretin qyz kelinshekter kóbine «jurttan uiat» dep, jaǵdaidy jyly jaýyp qoiatyn kórinedi.
«Lichnaia granitsa, joq degen nárseni aita almaidy, sondyqtan sondaiǵa ushyraidy. Ol joq degen nárseni psihologtyń kómegimen úirense, mindetti túrle ondaiǵa ushyramaidy,daje kúieýimen qosylǵannyń ózinde de joq, meniń quqyqyǵm bar, men Qazaqstannyń azamatymyn, sen maǵan zorlyq-zombylyq kórsetýge eshqandai qaqyń joq» - deidi psiholog Oryngúl Sátpaeva.
Eriniń ezgisine shydap júrgen qyz-kelinshekterge psihologtardyń keńesi bireý, bir ret qol kótergen adam, ekinshi ret ony qaitalaidy. Ári otbasyndaǵy oiran balanyń da júikesine tiip, kúizeliske túsiredi. Sondyqtan, áielder shydamnyń da shegi bar ekenin túsinýi tiis, deidi.
https://www.youtube.com/watch?v=AWKj9vRoXWY
