Aqtóbede jaqynda ǵana ustazdar arasyndaǵy baiqaýda júldeger atanǵan jas pedagog Namazbai Temirlan óz-ózine qol jumsady, dep habarlaidy Dalanews.kz Halyqstan telegram arnasyna silteme jasap.
Oqiǵanyń naqty sebebin qazir tergeý organdary anyqtap jatyr.
25 jastaǵy mýzyka pániniń muǵalimi óz úiinde óli kúiinde tabylǵan. Ony alǵashqylardyń biri bolyp kórgen jaqyndary men tártip saqshylary jaǵdaidyń mán-jaiyn áli anyqtaýda.
Temirlan buryn Shalqar aýdanyna qarasty Qaratoǵai orta mektebinde jumys istegen. Áriptesteri ony jaýapkershiligi joǵary, shákirtterine janashyr, óz isine adal maman retinde sipattaidy.
Shalqar aýdandyq bilim bólimi men Qaratoǵai mektebi áleýmettik jelilerdegi resmi paraqshalarynda Temirlannyń jetistikterin jii bólisip otyrǵan. Jas ustazdyń sońǵy jetistikteriniń biri – daryndy balalarmen jumys isteitin tálimger-pedagogter arasyndaǵy oblystyq baiqaýda 2-oryn ielenýi bolǵan.
Alaida bul qaiǵyly jaǵdaiǵa bailanysty ázirge aýdandyq nemese oblystyq bilim basqarmalary resmi málimdeme jasaǵan joq.
