Aqtóbe oblysynda balalardyń terezeden qulap ketý jaǵdailarynyń aldyn alý maqsatynda tótenshe jaǵdailar qyzmeti jańa tásildi qolǵa aldy, dep habarlaidy Dalanews.kz.
QR Tótenshe jaǵdailar ministrliginiń málimetinshe, mamandar drondardyń kómegimen kópqabatty úilerdiń mańynda profilaktikalyq jumystar júrgizedi. Áýeden ushyrylǵan qurylǵylar arqyly daýys zoraitqyshpen turǵyndarǵa qaýipsizdik erejeleri eskertiledi.
Qutqarýshylar ata-analarǵa balalardy qaraýsyz qaldyrmaýdy, terezelerge arnaiy qorǵanys quraldaryn ornatýdy jáne qaýipsizdik talaptaryn saqtaýdy túsindirip jatyr.
Vedomstvonyń aitýynsha, mundai sharalardyń basty maqsaty – jazataiym oqiǵalardyń aldyn alyp, halyqtyń qaýipsizdik mádenietin qalyptastyrý.
