Aqtóbede jantúrshigerlik oqiǵa tirkeldi. 16 jastaǵy jasóspirim óz anasyn óltirip, ájesin jaralaǵan, dep habarlaidy Dalanews.kz
Oblystyq politsiia málimetinshe, dispecherge qala turǵynynan aýyr qylmys týraly habar túsken. Kóp uzamai kúdikti jasóspirim oqiǵa ornynda ustalyp, óz kinásin moiyndaǵan.
Jaralanǵan 71 jastaǵy áiel dereý qalalyq aýrýhananyń travmatologiia bólimine jetkizilgen, qazirgi ýaqytta ol esin biledi.
Balanyń minez-qulqy men otbasy jaǵdaiyna qatysty málimet bergen Bala quqyqtaryn qorǵaý basqarmasynyń ókilderi onyń tolyq ári úlgili otbasynda óskenin, jaqsy oqyǵanyn, biraq úndemeitin, tuiyq minezdi bolǵanyn aitty.
Qazir bul derek boiynsha qylmystyq is qozǵaldy, tergeý amaldary júrgizilýde.
Bilim basqarmasy men quqyq qorǵaý organdary mektepterde qaýipsizdik sharalaryn kúsheitip, ata-analarǵa balalarynyń psihologiialyq jai-kúiine erekshe kóńil bólýge shaqyrdy.
