Aqtóbede 119 ret jol erejesin buzǵan júrgizýshi jaýapqa tartyldy, – dep habarlaidy Dalanews.kz.
Politsiia qyzmetkerleri arnaiy baǵdarlama kómegimen 3 million teńge qaryzy bar, shetel memleketinde esepte turǵan Lexus kóligin anyqtady. "Qorǵaý" júiesi arqyly anyqtalǵan azamat jol qozǵalysy erejelerin tamyzdyń ortasynan bastap 119 ret buzǵan.
Jol erejesin buzýshy Aqtóbe qalasynyń 35 jastaǵy turǵyny ekeni belgili boldy. Ol jyldamdyq rejimin asyrǵan. Aiyppuldyń jalpy somasy 3 million 378 myń teńge bolady.
"Qazir kólik arnaiy avtoturaqqa qoiyldy. Joldardaǵy jaýapsyzdyq kóbine qaiǵyly oqiǵalarǵa ákep soǵady. Júrgizýshiler bul týraly oilanýy kerek. Kólik júrgizýshileri jazadan qutylamyz dep úmittenedi, biraq olai emes. Politsiia qyzmetkerleri mundai júrgizýshilerdi taýyp, jaýapkershilikke tartady", – dep jazylǵan habarlamada.
Oblys ortalyǵynyń kóshelerinde jol qozǵalysy erejeleri buzylǵanyn tirkeitin kameralar ornatylǵan. Jyl basynan beri kameralardyń kómegimen jyldamdyq rejimin asyrýdyń 77 myńnan asa deregi tirkeldi.
