اقتٶبەدە 119 رەت جول ەرەجەسٸن بۇزعان جٷرگٸزۋشٸ جاۋاپقا تارتىلدى, – دەپ حابارلايدى Dalanews.kz.
پوليتسييا قىزمەتكەرلەرٸ ارنايى باعدارلاما كٶمەگٸمەن 3 ميلليون تەڭگە قارىزى بار, شەتەل مەملەكەتٸندە ەسەپتە تۇرعان Lexus كٶلٸگٸن انىقتادى. "قورعاۋ" جٷيەسٸ ارقىلى انىقتالعان ازامات جول قوزعالىسى ەرەجەلەرٸن تامىزدىڭ ورتاسىنان باستاپ 119 رەت بۇزعان.
جول ەرەجەسٸن بۇزۋشى اقتٶبە قالاسىنىڭ 35 جاستاعى تۇرعىنى ەكەنٸ بەلگٸلٸ بولدى. ول جىلدامدىق رەجيمٸن اسىرعان. ايىپپۇلدىڭ جالپى سوماسى 3 ميلليون 378 مىڭ تەڭگە بولادى.
"قازٸر كٶلٸك ارنايى اۆتوتۇراققا قويىلدى. جولدارداعى جاۋاپسىزدىق كٶبٸنە قايعىلى وقيعالارعا ەكەپ سوعادى. جٷرگٸزۋشٸلەر بۇل تۋرالى ويلانۋى كەرەك. كٶلٸك جٷرگٸزۋشٸلەرٸ جازادان قۇتىلامىز دەپ ٷمٸتتەنەدٸ, بٸراق ولاي ەمەس. پوليتسييا قىزمەتكەرلەرٸ مۇنداي جٷرگٸزۋشٸلەردٸ تاۋىپ, جاۋاپكەرشٸلٸككە تارتادى", – دەپ جازىلعان حابارلامادا.
وبلىس ورتالىعىنىڭ كٶشەلەرٸندە جول قوزعالىسى ەرەجەلەرٸ بۇزىلعانىن تٸركەيتٸن كامەرالار ورناتىلعان. جىل باسىنان بەرٸ كامەرالاردىڭ كٶمەگٸمەن جىلدامدىق رەجيمٸن اسىرۋدىڭ 77 مىڭنان اسا دەرەگٸ تٸركەلدٸ.
