Aqtóbede prokýratýra investordyń quqyǵyn qorǵap, iri jobany iske asyrýǵa jol ashty, dep habarlaidy dalanews.kz.
Qala prokýratýrasy elektr stantsiiasyn salý boiynsha strategiialyq mańyzdy jobany júzege asyryp jatqan «Energy Flow Generation» JShS-niń quqyqtaryn qalpyna keltirdi.
Jobanyń jalpy quny 100 mlrd teńgeni quraidy. Ol bastapqy kezeńde 100-den astam jumys ornyn ashýǵa jáne óńirdiń energetikalyq táýelsizdigin nyǵaitýǵa múmkindik beredi.
Másele investor ókilderi Aqtóbe qalasynyń prokýrory Baqytjan Eshmaǵanbetovtiń jeke qabyldaýynda kóterilgen.
Tekserý barysynda ákimdik 35 gektar jer ýchaskesiniń nysanaly maqsatyn ózgertýge zańsyz túrde bas tartqany anyqtalǵan. Bul sheshim qalanyń Bas josparyna sáikes kelmeidi degen ýájben túsindirilgen.
Alaida jan-jaqty zerdeleý nátijesinde atalǵan jer ýchaskesiniń negizgi bóligi óndiristik aimaqta ornalasqany belgili bolǵan.
Prokýrorlyq qadaǵalaý aktisi negizinde ákimdiktiń zańsyz sheshimi joiylyp, ákimshilik kedergi alynyp tastaldy.
Kásipkerlik qyzmetke zańsyz kedergi keltirgen laýazymdy tulǵa Ákimshilik quqyq buzýshylyq týraly kodekstiń 173-baby boiynsha jaýapkershilikke tartyldy.
Qazirgi ýaqytta investitsiialyq jobany iske asyrý jalǵasyp jatyr.
