Aqtóbe oblysynda aýdan ákimderi memlekettik satyp alý arqyly jańa qyzmettik kólikke tapsyrys bergen, dep habarlaidy Dalanews.kz.
Stan.kz málimetinshe, Baiǵanin aýdanynyń ákimi Aibek Kópenovtiń jańa kóligi 27,6 million teńgege baǵalanǵan. Aqparat áleýmettik jelige jariialanǵan.
Onda shendiniń prezidenttiń biýdjet qarajatyn únemdeý týraly tapsyrmasyn elemegeni jazylǵan. Jańa kólik alý týraly aqparatty aýdan ákimdigi rastady.
“Kólik keldi. Baiǵanin aýdany 6 million 103 myń gektar jer. Eń shalǵai aýyldar 300 shaqyrym bolady. Ol jerlerge “Cobalt” kóligimen qalai baramyn. Meniń mashinam 5 ai boldy buzylyp tur”, – dedi Baiǵanin aýdanynyń ákimi Aibek Kópenov.
Sonymen qatar biyl Aqtóbe oblysy Yrǵyz aýdany ákiminiń apparatyna da liýks kólik keldi. Yrǵyz aýdanynyń ákimi Nurlan Qyzbergenov 26,5 million teńgege jańa kólik kelgenin rastady.
Al Yrǵyz aýdanynyń ákimi Nurlan Qyzbergenov 26,5 million teńgege jańa kólik satyp alǵan. Bul aýdan da oblys ortalyǵynan alys ornalasqan.
Aita keteiik, buǵan deiin Qaraǵandy oblysynyń qurylys, sáýlet jáne qala qurylysy basqarmasy 20,5 million teńgege qyzmettik avtokólik satyp alǵany týraly jazǵan edik. Bul týraly memlekettik satyp alý portalynda jariialanǵan bolatyn.
GosArhiv telegram-arnasynyń málimetinshe, kólik “Hyundai Premium Karaganda” JShS-nen alynǵan. Bul kompaniia “Astana Motors” holdinginiń quramyna kiredi jáne kásipker Nurlan Smaǵulovtyń ieliginde.
“Tehnikalyq sipattamalarǵa sáikes, kóliktiń shyqqan jyly jańa, túsi sur, 2,5 GDI kólemindegi qozǵaltqyshy bar, D-klasyndaǵy jeńil kólik”, — deidi derekkóz.
Satyp alý jónindegi habarlandyrý 18 aqpanda jariialanyp, eki kúnnen keiin kelisimshart jasalǵan. Tenderge basqa kompaniialar qatyspaǵan. Sondyqtan satyp alý bir kózden júzege asqan.
“Bul kelisim qoǵamda kóptegen suraq týyndatyp otyr. Sebebi qańtar aiynda prezident Qasym-Jomart Toqaev memlekettik biýdjetti qatań únemdeýdi tapsyryp, qarjyny tek asa mańyzdy qajettilikterge jumsaý keregin eskertken edi. Memleket basshysy “beldi bekem býatyn ýaqyt kelgenin” aitqan bolatyn. Alaida keibir memlekettik organdar prezidenttiń tapsyrmasyn elemegendei áser qaldyrady”, — dep qosty derekkóz.
Eske salaiyq, buǵan deiin Prezident Toqaev Úkimettiń keńeitilgen otyrysynda elimizdiń ekonomikasy ósip jatqanyn atap ótip, sheshilmegen birqatar túitkildiń bar ekenine nazar aýdarǵan edi.
Memleket basshysynyń aitýynsha, qazirgi álemdegi jaǵdai kúrdeli. Tariftik shielenister men sanktsiialyq teketirester kúsheiip, munyń saldary aýyrlai berýi múmkin. Sonymen qatar, klimattyń ózgerýi "jasyl energetikany" damytý tásilderin qaita qaraýdy talap etedi.
“Bir jaǵynan, bul dástúrli energiia resýrstaryna suranysty arttyrady. Ekinshi jaǵynan, munai, gaz, kómir baǵasynyń turaqsyzdanýyna alyp keledi”, – dedi Toqaev.
Prezident qarjy salasynda kriptovaliýtalar men basqa da tsifrlyq aktivterdiń keńinen qoldanylý úrdisi baiqalatynyn atap ótti. Jasandy intellekt te strategiialyq mańyzǵa ie bolyp, tehnologiialyq alpaýyt elder arasyndaǵy básekelestikti kúsheitip otyr.
“Osyndai jaǵdaida bizde naqty is-qimyl strategiiasy bolýy qajet. Ol strategiia jańa dáýirdiń kúrdeli synaqtarynan ótýge baǵyttalýǵa tiis”, – dedi Prezident.
Toqaev Úkimetke «ekonomikalyq toqyraýdy boldyrmai, ornyqty damýdy qamtamasyz etý úshin» birqatar qiyn sheshimder qabyldaý kerektigin atap ótti.
Memlekettik apparattyń kásibi biliktiligine senim bildirgen Toqaev:
“Memlekettik qyzmetshiler kúrdeli jaǵdailarda tiimdiligin kórsetip, jaýapkershilikti óz moinyna alýy tiis. Halyqaralyq tájiribe dál osyndai kezeńderde atqarýshy biliktiń shynaiy áleýeti aiqyndalatynyn kórsetip otyr”, – dedi.
Prezident biýdjet qarjysyn únemdeý qajettigin de basa aitty.
“Endi beldi bekem býyp, barǵa qanaǵat etýge týra keledi. Úkimet eń ózekti máselelerge ǵana qarjy bólýi kerek”, – dedi Toqaev.
