Aqtóbe oblysynda “Qazhrom” TUK” AQ Don taý-ken baiytý kombinaty filialynda oqys oqiǵa boldy, dep habarlaidy Dalanews.kz.
“4 qarashada Don taý-ken baiytý kombinaty (“Qazhrom” TUK”AQ filialy) montajdaý jumystaryn oryndaý kezinde merdiger uiymnyń qyzmetkeri biikten qulady. Kompaniia zardap shekken adamǵa kásibi meditsinalyq kómek kórsetýge barynsha kúsh saldy. Dárigerler onyń ómiri úshin birneshe kún boiy kúresken, biraq ókinishke qarai ony qutqarý múmkin bolmady”, – delingen kásiporynnyń habarlamasynda.
Oqiǵa týraly tiisti organdarǵa habarlandy, tergeý júrgizilýde.
Eske salaiyq, Qaraǵandydaǵy "Abai" shahtasynan júzden asa jumysshy shuǵyl evakýatsiialanǵanyn habarlaǵan edik.
7 qarasha kúni saǵat 20:29-da Kásiporynnyń Ortalyq dispetcherlik basqarmasyna shahtada elektr qýatynyń toqtaǵany týraly aqparat túsken bolatyn.
Oqiǵanyń sebebi - "Qaraǵandy" JShS-nyń №9 transformatorlyq stantsiiasyndaǵy elektr aqaýy bolǵan. Sol sátte keshki aýysymda jumys istegen 155 adam shuǵyl túrde jer betine shyǵaryldy.
Qarmet AQ qazirgi ýaqytta elektr qýatynyń qalpyna keltirilgenin jáne shahtany qyzmetkerlerdiń qaýipsiz túrde jumysqa oralýyna daiyndap jatqanyn málimdedi.
