Munai ónimderin urlaý men kontrabanda arnalary áshkerelendi, dep habarlaidy Dalanews.kz.
Qarashada Aqtóbe oblysynda munai óńdeýdiń bastapqy ónimin jalǵan qujattar arqyly urlaý jáne tasymaldaýmen ainalysqan adamdardyń áreketi áshkerelendi. Eki óńirde uiymdastyrýshylardyń nusqaýymen shamamen 60 tonna munai ónimin zańsyz tasymaldaǵan júk kólikteriniń júrgizýshileri ustaldy.
Turǵyn úiler men bir kásiporynda júrgizilgen tintý barysynda shamamen 400 tonna munai ónimi, sondai-aq, atys jáne gaz qarýlary, zańǵa qaishy operatsiialardy rastaityn qujattar tárkilendi.
Taǵy bir qylmystyq is sheńberinde shetelge munai ónimderin kontrabandalyq jolmen shyǵarý arnasyna tartylǵan kompaniianyń qyzmeti tekserilip jatyr. Aldyn ala derekter boiynsha kásiporyn quny shamamen 8 mlrd teńge turatyn 30 myń tonnadan asa janarmaidy eksporttaǵan.
"Qazanda memlekettik shekaradaǵy temirjol ótkizý pýnktteriniń birinde osy kompaniiaǵa tiesili, kórshi memleketke 300 tonna janarmai alyp bara jatqan tórt vagon anyqtaldy. Anyqtalǵan barlyq derek boiynsha sotaldy tergeý júrgizilip jatyr, tiisti saraptamalar taǵaiyndaldy", - dedi IIM ókili.
