Áleýmettik jelilerde belgisiz bireýler Aqtóbe mektepterinde qylmys jasamaq degen jalǵan aqparat tarap jatyr, dep habarlaıdy Dalanews.kz.
Bul derek boıynsha Polısıa departamenti terorızm aktisi týraly kórineý jalǵan habar taratqany úshin sotaldy tergep-tekserý júrgizip jatyr.
"Aqparatty taratqandardy anyqtaý baǵytynda jedel is-sharalar qabyldandy. Kúdiktiler jaqyn arada anyqtalyp, elimizdiń zańnamasyna sáıkes jaýapkershilikke tartylady", - dedi óńir polısıasy.
Sonymen qatar, bilim berý uıymdaryndaǵy qaýipsizdik sharalary kúsheıtilgen: mektepterde beınebaqylaý júıeleriniń jumysy kúsheıtilip, oqý oryndary mańynda polısıa jasaqtarynyń sany artty.
"Azamattardy jalǵan málimetterge senbeýge jáne tek resmı derekkózderge júginýge shaqyramyz", - dedi polısıa.
