"Aqtóbe" fýtbol klýbynyń basshylyǵy charterlik reıster arqyly aqsha jymqyrǵan bolýy múmkin, - dep habarlaıdy Dalanews.kz.
Bul týraly "Seryı CARDINAL" telegram arnasy jazdy. Ondaǵy málimet boıynsha, tártip saqshylary "Aqtóbe" fýtbol klýbynyń 2023 jyldaǵy charterlik reısterine qatysty tekseris júrgizýi múmkin.
Sergeı Kýlenko (fýtbol klýbyn basqarǵan) jumys istegen kezde, 2023 jyly jazda keıbir laýazymdy qyzmetkerler tekserýshi organnyń málimetinshe, charterlik reıstermen óte qymbat baǵaǵa ushyp júrgen.
Memlekettik aýdıt departamentiniń málimetinshe, osylaısha 165 mıllıon teńge jymqyrylǵan bolýy múmkin. Qazirgi tańda is antıkorǵa jiberilgen kórinedi.
Eger "Aqtóbe" fýtbol klýbynda basshylyq qyzmette otyrǵandardyń kinási dáleldense olar 7-12 jyl aralyǵyna sottalýy múmkin.
