Dimash aqtyq synǵa daiyndyǵyn pysyqtap jatyr. Finalda Qytaidyń «Ledi Gagasy» sanalatyn Shan Ventszemen saxnaǵa shyǵady. Olar Maikl Djeksonnyń álemge tanymal ánderin aitady.
Earth Song jáne Dangerous xitin qosyp, miks jasaǵan. 2006 jyly osy telearnada «Sýper giorlz» baiqaýynda jeńip shyqqan Shan Ventsze Dimashtyń saxnadaǵy energetikasy óte kúshti dep baǵalaidy.
"Dimash – mýzyka salasyna tóńkeris ákelgen talantty ánshi. Onyń mýzykalyq bilimine tańdai qaqpasqa amalym joq. Onyń boiyndaǵy energiiany buryn-sońdy sezgen emespin. Árine, Dimashtyń otany – Qazaqstan. Ony mápelep ósirgen jer – Qazaqstan. Degenmen mundai daryndy ánshige Qytaida úlken saxna bar, onyń milliondaǵan tyńdarmany da osynda. Biz Dimashpen birlesip, Qytaida úlken jobalardy júzege asyrsaq deimiz"
- deidi ánshi Shan Ventsze.
«Baiqaýdyń finalynda osal ánshi joq. Degenmen biz jeńý úshin sahnaǵa shyǵamyz», – deidi Shan.
Dimash Qudaibergenniń jankúierleri de «án patshasy» ataǵyna, qazaqstandyq ánshi laiyq dep sanaidy.
"Dimash Qytai sahnasynda paida bolǵaly «úlken jarylys» jasady. Birden kórermenderdi baýrap, án aitý mánerimen erekshe kózge tústi. Onyń birinshi oryn alatynyna esh kúmánim joq. Ol qytai ánderin shyrqaýda jańa baǵyt ákeldi. Bul jergilikti tyńdarman úshin tosyn syi boldy", - deidi Chansha turǵyny.
Eske sala keteiik, jeńimpaz erteń belgili bolady.
Baiqaýdy basynan aiaǵyna deiin tamashalap kele jatqan 500 kórermen daýys berý arqyly «án patshasyn» anyqtaidy.
https://youtu.be/zvFqNC-d1FE
