ديماش اقتىق سىنعا دايىندىعىن پىسىقتاپ جاتىر. فينالدا قىتايدىڭ «لەدي گاگاسى» سانالاتىن شان ۆەنسزەمەن ساxناعا شىعادى. ولار مايكل دجەكسوننىڭ الەمگە تانىمال اندەرىن ايتادى.
Earth Song جانە Dangerous xءيتىن قوسىپ، ميكس جاساعان. 2006 جىلى وسى تەلەارنادا «سۋپەر گورلز» بايقاۋىندا جەڭىپ شىققان شان ۆەنسزە ديماشتىڭ ساxناداعى ەنەرگەتيكاسى وتە كۇشتى دەپ باعالايدى.
"ديماش – مۋزىكا سالاسىنا توڭكەرىس اكەلگەن تالانتتى ءانشى. ونىڭ مۋزىكالىق بىلىمىنە تاڭداي قاقپاسقا امالىم جوق. ونىڭ بويىنداعى ەنەرگيانى بۇرىن-سوڭدى سەزگەن ەمەسپىن. ارينە، ديماشتىڭ وتانى – قازاقستان. ونى ماپەلەپ وسىرگەن جەر – قازاقستان. دەگەنمەن مۇنداي دارىندى انشىگە قىتايدا ۇلكەن ساxنا بار، ونىڭ ميلليونداعان تىڭدارمانى دا وسىندا. ءبىز ديماشپەن بىرلەسىپ، قىتايدا ۇلكەن جوبالاردى جۇزەگە اسىرساق دەيمىز"
- دەيدى ءانشى شان ۆەنسزە.
«بايقاۋدىڭ فينالىندا وسال ءانشى جوق. دەگەنمەن ءبىز جەڭۋ ءۇشىن ساحناعا شىعامىز»، – دەيدى شان.
ديماش قۇدايبەرگەننىڭ جانكۇيەرلەرى دە «ءان پاتشاسى» اتاعىنا، قازاقستاندىق ءانشى لايىق دەپ سانايدى.
"ديماش جۇڭگو ساحناسىندا پايدا بولعالى «ۇلكەن جارىلىس» جاسادى. بىردەن كورەرمەندەردى باۋراپ، ءان ايتۋ مانەرىمەن ەرەكشە كوزگە ءتۇستى. ونىڭ ءبىرىنشى ورىن الاتىنىنا ەش كۇمانىم جوق. ول جۇڭگو اندەرىن شىرقاۋدا جاڭا باعىت اكەلدى. بۇل جەرگىلىكتى تىڭدارمان ءۇشىن توسىن سىي بولدى"، - دەيدى چانشا تۇرعىنى.
ەسكە سالا كەتەيىك، جەڭىمپاز ەرتەڭ بەلگىلى بولادى.
بايقاۋدى باسىنان اياعىنا دەيىن تاماشالاپ كەلە جاتقان 500 كورەرمەن داۋىس بەرۋ ارقىلى «ءان پاتشاسىن» انىقتايدى.
https://youtu.be/zvFqNC-d1FE
