Aqtaý qalasyndaǵy «Kaspii» sý tushytý zaýytynda jańǵyrtý jumystary tolyq aiaqtaldy,- dep habarlaidy Dalanews.kz
Mańǵystaý oblysynda aýyzsý tapshylyǵyn joiý úshin 6 joba qolǵa alynǵan. Solardyń biri - Aqtaý qalasyndaǵy sý tushytý zaýyty. Bul kásiporyn halyqty sapaly aýyzsýmen qamtamasyz etý úshin óndiris qýatyn eki ese arttyrdy.
Zaýyt qýaty táýligine 20 myń tekshe metrden 40 myń tekshe metrge ulǵaityldy. Qazirgi tańda óndiris avtomattandyrylǵan júiede jumys istep tur.
«Zaýyt Aqtaý qalasynan bólek Munaily jáne Qaraqiia aýdandaryn sýmen qamtamasyz etip otyr. Aldaǵy ýaqytta «Kaspii» sý tushytý zaýytynyń kólemin taǵy 60 myń tekshe metrge ulǵaityp, 100 myń tekshe metrge jetkizý josparlanýda», - dedi «Kaspii» sý tushytý zaýyty JShS direktory Serik Gýsman.
