اقتاۋ قالاسىنداعى «كاسپيي» سۋ تۇششىتۋ زاۋىتىندا جاڭعىرتۋ جۇمىستارى تولىق اياقتالدى،- دەپ حابارلايدى Dalanews.kz
ماڭعىستاۋ وبلىسىندا اۋىزسۋ تاپشىلىعىن جويۋ ءۇشىن 6 جوبا قولعا الىنعان. سولاردىڭ ءبىرى - اقتاۋ قالاسىنداعى سۋ تۇششىتۋ زاۋىتى. بۇل كاسىپورىن حالىقتى ساپالى اۋىزسۋمەن قامتاماسىز ەتۋ ءۇشىن ءوندىرىس قۋاتىن ەكى ەسە ارتتىردى.
زاۋىت قۋاتى تاۋلىگىنە 20 مىڭ تەكشە مەتردەن 40 مىڭ تەكشە مەترگە ۇلعايتىلدى. قازىرگى تاڭدا ءوندىرىس اۆتوماتتاندىرىلعان جۇيەدە جۇمىس ىستەپ تۇر.
«زاۋىت اقتاۋ قالاسىنان بولەك مۇنايلى جانە قاراقيا اۋداندارىن سۋمەن قامتاماسىز ەتىپ وتىر. الداعى ۋاقىتتا «كاسپيي» سۋ تۇششىتۋ زاۋىتىنىڭ كولەمىن تاعى 60 مىڭ تەكشە مەترگە ۇلعايتىپ، 100 مىڭ تەكشە مەترگە جەتكىزۋ جوسپارلانۋدا»، - دەدى «كاسپيي» سۋ تۇششىتۋ زاۋىتى ج ش س ديرەكتورى سەرىك گۋسمان.
