Aqtaýda zorlanǵan 6 jasar qyz aýyr halde jatyr
Bul týraly «QazAqparat» agenttigine ortalyqtyń baspasóz qyzmeti habarlaǵan.
«08.05.2010 jyly dúniege kelgen naýqas 2016 jylǵy 27 tamyzda Mańǵystaý oblysy Aqtaý qalasynan sanitarlyq aviatsiiamen Ana men bala ulttyq ǵylymi ortalyǵyna jetkizilip, balalar anesteziologiiasy jáne jan saqtaý bólimine jatqyzyldy. Respýblikalyq sanitarlyq aviatsiia quramynda bolǵan Ana men bala ulttyq ǵylymi ortalyǵynyń anesteziolog-reanimatolog jáne nefrolog dárigerleri sol jerde naýqas balany qarap, klinika basshylarymen kelise otyryp, Astanadaǵy Ana men bala ulttyq ǵylymi ortalyǵyna aýystyrý týraly sheshim qabyldady. Qazirgi ýaqytta naýqastyń jaǵdaiy óte aýyr dep baǵalanyp otyr. Ókpeniń jasandy ventiliatsiiasy apparatyna qosylǵan. Dári-dármekpen qoldaý nátijesinde gemodinamika turaqty. Qarqyndy terapiia jasalaýda», - dep málim etti ortalyq.
Nevrolog, balalar ginekology, pýlmonolog, okýlist, nefrolog, endokrinolog, hirýrg siiaqty beiindi mamandardyń qatysýymen birneshe márte konsýltatsiia uiymdastyrylǵan.
Sonymen qatar, telemeditsina arqyly Kembridj ýniversiteti (Ulybritaniia) jáne Vena ýniversitetiniń (Avstriia) professorlarymen keńes ótkizý josparlanyp otyr.
Aita keteiik, balanyń joǵalǵany týraly qońyraý senbi 20 tamyzda, saǵat 13.10-da tústi. Izdeýge Mańǵystaý oblysy IID barlyq jeke quramy tartyldy. 17.30-da qyz Aqtaý qalasy Primorskii kenti jaǵynan tabyldy. Politseiler ony oblystyq balalar aýrýhanasyna jetkizdi. Dárigerler ony zorlaǵanyn anyqtady. Zorlaý faktisi negizinde QR QK 120-baby boiynsha qylmystyq is qozǵaldy.
