بۇل تۋرالى «قازاقپارات» اگەنتتىگىنە ورتالىقتىڭ باسپا ءسوز قىزمەتى حابارلاعان.
«08.05.2010 جىلى دۇنيەگە كەلگەن ناۋقاس 2016 جىلعى 27 تامىزدا ماڭعىستاۋ وبلىسى اقتاۋ قالاسىنان سانيتارلىق اۆياسيامەن انا مەن بالا ۇلتتىق عىلىمي ورتالىعىنا جەتكىزىلىپ، بالالار انەستەزيولوگياسى جانە جان ساقتاۋ بولىمىنە جاتقىزىلدى. رەسپۋبليكالىق سانيتارلىق اۆياسيا قۇرامىندا بولعان انا مەن بالا ۇلتتىق عىلىمي ورتالىعىنىڭ انەستەزيولوگ-رەانيماتولوگ جانە نەفرولوگ دارىگەرلەرى سول جەردە ناۋقاس بالانى قاراپ، كلينيكا باسشىلارىمەن كەلىسە وتىرىپ، استاناداعى انا مەن بالا ۇلتتىق عىلىمي ورتالىعىنا اۋىستىرۋ تۋرالى شەشىم قابىلدادى. قازىرگى ۋاقىتتا ناۋقاستىڭ جاعدايى وتە اۋىر دەپ باعالانىپ وتىر. وكپەنىڭ جاساندى ۆەنتيلياسياسى اپپاراتىنا قوسىلعان. دارى-دارمەكپەن قولداۋ ناتيجەسىندە گەموديناميكا تۇراقتى. قارقىندى تەراپيا جاسالاۋدا»، - دەپ ءمالىم ەتتى ورتالىق.
نيەۆرولوگ، بالالار گينەكولوگى، پۋلمونولوگ، وكۋليست، نەفرولوگ، ەندوكرينولوگ، حيرۋرگ سياقتى بەيىندى مامانداردىڭ قاتىسۋىمەن بىرنەشە مارتە كونسۋلتاسيا ۇيىمداستىرىلعان.
سونىمەن قاتار، تەلەمەديسينا ارقىلى كەمبريدج ۋنيۆەرسيتەتى (ۇلىبريتانيا) جانە ۆەنا ۋنيۆەرسيتەتىنىڭ (اۆستريا) پروفەسسورلارىمەن كەڭەس وتكىزۋ جوسپارلانىپ وتىر.
ايتا كەتەيىك، بالانىڭ جوعالعانى تۋرالى قوڭىراۋ سەنبى 20 تامىزدا، ساعات 13.10-دا ءتۇستى. ىزدەۋگە ماڭعىستاۋ وبلىسى ءىىد بارلىق جەكە قۇرامى تارتىلدى. 17.30-دا قىز اقتاۋ قالاسى پريمورسكيي كەنتى جاعىنان تابىلدى. پوليسەيلەر ونى وبلىستىق بالالار اۋرۋحاناسىنا جەتكىزدى. دارىگەرلەر ونى زورلاعانىن انىقتادى. زورلاۋ فاكتىسى نەگىزىندە ق ر قك 120-بابى بويىنشا قىلمىستىق ءىس قوزعالدى.
