Aqtaýda sheneýnikter bir kiiz úidi 7 million teńgeden satyp almaq bolǵan. Barlyǵy 12 kiiz úige tapsyrys bermek bolypty. Alaida shendilerdiń bul rette joly bolmady, - dep habarlaidy Dalanews.kz "Astana" telearnasyna siltep.
Aldymen áleýmettik jelide memlekettik satyp alýlar saitynan alynǵan bul derek jyldam tarap, qoǵamnyń narazylyǵyn týǵyzdy. 12 kiiz úige ákimdik qyzmetkerleri 81 mln teńge jumsamaq bolǵan.
Qadaǵalaý organynyń qyzmetkerleri jekelei zertteý júrgizip, mundai taýardy 6 mln 750 myń teńgege emes, 1,5 - 2 million teńgeden de satyp alýǵa bolatynyn anyqtady.
"Bizdiń usynysymyzdy qaraý úshin ákimdik qyzmetkerlerine bir ai ýaqyt berildi, osy merzim ótkennen keiin olar bizge kiiz úi baǵasyn anyqtaǵan adamǵa qatysty qandai sharalar qabyldaǵany týraly jazbasha jaýap berýge mindetti. Is-áreketter tártiptik komissiiada qaralady. Bylaisha aitqanda, jaýapkerge qandai jaza taǵaiyndalatynyn qala basshylyǵy sheshedi", - dedi Aqtaý qalalyq prokýratýrasynyń qoǵamdyq múddelerdi qorǵaý bóliminiń prokýrory Albert Esmurzaev.
