Aqtaý qalasynda «Sultan», «Aqqala» jáne «Murager» kópqabatty turǵyn úiler qurylysy kezinde asa iri kólemdegi alaiaqtyq faktisi boiynsha aiyptaý úkimi shyqty, dep habarlaidy Dalanews.kz.
Atalǵan isti QMA Mańǵystaý oblysy boiynsha departamenti júrgizdi.
Tergeý barysynda «IntererStroiAqtaý» JShS basshylarynyń qurylys júrgizýge ruqsat qujattary, litsenziiasy jáne jobalyq-smetalyq qujattamasy bolmaǵanyna qaramastan, 590 úlestik qatysý kelisimshartyn jasasqany anyqtaldy.
Nátijesinde úleskerlerden zańsyz túrde 5,5 mlrd teńgeden astam qarajat tartylǵan.
Sonymen qatar, qurylys jumystary talapqa sai júrgizilmegen jáne belgilengen merzimde aiaqtalmaǵan.
1,9 mlrd teńge kólemindegi qarajat jalǵan qurylys aktileri arqyly qolma-qol aqsha retinde kassadan shyǵarylyp, kompaniia basshylyǵy tarapynan iemdelgen.
Tergeý barysynda 5 jer telimi men 47 avtokólikke tyiym salyndy.
Sot úkimimen kompaniia basshylary 3,5 jyldan 6,5 jylǵa deiin bas bostandyǵynan aiyryldy.
Sondai-aq, jábirlenýshilerdiń azamattyq talaptaryn óteý maqsatynda 1,1 mlrd teńge kólemindegi múlik tárkilenip, ótem retinde aýdarylǵan.
