اقتاۋ قالاسىندا «سۇلتان», «اققالا» جەنە «مۇراگەر» كٶپقاباتتى تۇرعىن ٷيلەر قۇرىلىسى كەزٸندە اسا ٸرٸ كٶلەمدەگٸ الاياقتىق فاكتٸسٸ بويىنشا ايىپتاۋ ٷكٸمٸ شىقتى, دەپ حابارلايدى Dalanews.kz.
اتالعان ٸستٸ قما ماڭعىستاۋ وبلىسى بويىنشا دەپارتامەنتٸ جٷرگٸزدٸ.
تەرگەۋ بارىسىندا «ينتەرەرستروياقتاۋ» جشس باسشىلارىنىڭ قۇرىلىس جٷرگٸزۋگە رۇقسات قۇجاتتارى, ليتسەنزيياسى جەنە جوبالىق-سمەتالىق قۇجاتتاماسى بولماعانىنا قاراماستان, 590 ٷلەستٸك قاتىسۋ كەلٸسٸمشارتىن جاساسقانى انىقتالدى.
نەتيجەسٸندە ٷلەسكەرلەردەن زاڭسىز تٷردە 5,5 ملرد تەڭگەدەن استام قاراجات تارتىلعان.
سونىمەن قاتار, قۇرىلىس جۇمىستارى تالاپقا ساي جٷرگٸزٸلمەگەن جەنە بەلگٸلەنگەن مەرزٸمدە اياقتالماعان.
1,9 ملرد تەڭگە كٶلەمٸندەگٸ قاراجات جالعان قۇرىلىس اكتٸلەرٸ ارقىلى قولما-قول اقشا رەتٸندە كاسسادان شىعارىلىپ, كومپانييا باسشىلىعى تاراپىنان يەمدەلگەن.
تەرگەۋ بارىسىندا 5 جەر تەلٸمٸ مەن 47 اۆتوكٶلٸككە تىيىم سالىندى.
سوت ٷكٸمٸمەن كومپانييا باسشىلارى 3,5 جىلدان 6,5 جىلعا دەيٸن باس بوستاندىعىنان ايىرىلدى.
سونداي-اق, جەبٸرلەنۋشٸلەردٸڭ ازاماتتىق تالاپتارىن ٶتەۋ ماقساتىندا 1,1 ملرد تەڭگە كٶلەمٸندەگٸ مٷلٸك تەركٸلەنٸپ, ٶتەم رەتٸندە اۋدارىلعان.
