Aqtaýda qorlyqtan qaza tapqan Alina Serikovanyń atyna rásimdelgen nesie qalai óteletini belgili boldy, dep habarlaidy Dalanews.kz.
Bul týraly marqum qyzdyń aǵasy Baýyrjan Joljan Tengrinews.kz tilshisine aityp berdi.
Aǵasynyń aitýynsha, kúdiktiler ony 2 million teńge kóleminde taýarlyq nesie alýǵa májbúrlegen.
“Olar ony osylai istese ǵana bosatatyndaryn aitqan. Sáikesinshe, Alinanyń basqa amaly bolmaǵan. Nesie rásimdelgen soń, qylmyskerler bazarǵa baryp, tanys satýshy arqyly aqshany qolma-qol sheship alǵan. Keiin men qaryndasymnyń qaitys bolǵany týraly anyqtamany alyp, bankke baryp, onyń esepshotyn jabý úshin qujattar jinadym. Sebebi nesiege ósimpul qosylmaýy kerek edi,” – deidi Baýyrjan Joljan.
Onyń aitýynsha, sot apelliatsiiany qarastyryp, aiyptalýshylardyń úkimin ózgertkennen keiin, olarǵa materialdyq jáne moraldyq ótemaqy tóleý, sondai-aq 2 million teńge kólemindegi nesieni jabý mindettelgen.
“Olardyń otbasy bul somany óteidi dep oilaimyn. Sot belgilegen materialdyq jáne moraldyq ótemaqyny alǵan soń, qaryndasymnyń esepshotyn ashyp, senimdi tulǵa retinde bul nesieni jabatyn bolamyn,” – dedi marqumnyń aǵasy.
Eske salaiyq, buǵan deiin nemolchikz_official áleýmettik jelide 2024 jyldyń mamyr aiynda Aqtaýda bolǵan jantúrshigerlik oqiǵany jariialaǵan edi.
14 mamyr kúni túnde Aqtaýda bir top er adam fitnes-jattyqtyrýshy bolyp jumys istegen qyzdy kólikke kúshtep otyrǵyzyp, mefedron berip zorlaǵan. Tańǵa deiin qyzdy qinap, qala berdi telefony arqyly 2 mln teńge kóleminde nesie rásimdegen. Qyzdyń týystary sot sheshimine shaǵym túsirip, istiń ádil qaralýyn surap, appeliatsiiaǵa berdi.
31 qańtarda sot basty figýrant Nurgeldi Seiitqalievti ómir boiyna bas bostandyǵynan aiyrdy.
Qalǵan sottalýshylarǵa uzaq merzimdi jaza taǵaiyndaldy:
Erkebulan Amanqos – 16 jyl
Aralbai Merei – 13 jyl
Darhan Qulbas – 13 jyl
Qýanysh Úsenǵali – 13 jyl
Marqumnyń otbasyna moraldyq jáne materialdyq shyǵyn retinde 30 million teńge tólenedi.
Alina Serikovanyń isi qoǵamda úlken rezonans týdyrdy. Onyń týystary sot sheshimi ádil bolýyn talap etip, basty aiyptalýshyǵa eń qatań jaza berilýin suraǵan edi. Bul jaǵdai Qazaqstandaǵy genderlik zorlyq-zombylyqpen kúres máselesin qaita kún tártibine shyǵardy.
