Aqtaýda oblystyq jedel meditsinalyq járdem stansasy salynbaq, dep habarlaidy Dalanews.kz.
Prezidenttiń tapsyrmasyn oryndaý aiasynda qaitarylǵan aktivter esebinen áleýmettik mańyzy bar jobalardy iske asyrý maqsatynda Aqtaýda jylyna 100 myń shaqyrtýǵa qyzmet kórsetýge qaýqarly oblystyq jedel jáne shuǵyl meditsinalyq járdem stansasy salynady. Bul maqsatqa Úkimet Arnaýly memlekettik qordan 4,6 mlrd teńge bóldi.
Aqtaý qalasynyń 34A shaǵyn aýdanynda ornalasqan 2,6 gektar jer ýchaskesindejosparlanǵan. Jedel jáne shuǵyl meditsinalyq járdem stansasynyń quramyna oqý-simýliatsiialyq ortalyq, sanitarlyq kólikterge arnalǵan jóndeý jáne jýý bazasy enedi.
Jobanyń jalpy quny 4,8 mlrd teńge dep baǵalanǵan. Onyń 100 mln teńgesi jergilikti biýdjetten bólingen. Qazirgi tańda nysannyń daiyndyq deńgeii 10%-dy quraidy: jer qazý jumystary aiaqtalyp, ishki injenerlik jelilerdiń qurylysy júrgizildi. Arnaýly memlekettik qordan bólingen qarajat jobany belgilengen kestege sáikes tolyq aiaqtaýǵa múmkindik beredi.
Búginde Aqtaýda 200 myńǵa jýyq adam turady. Aimaq bala týý kórsetkishi boiynsha kósh bastap tur. Sońǵy 7 jyl ishinde qalada 10 jańa shaǵyn aýdan salyndy. Jańa jedel járdem stansasynyń qurylysy halyqty qoljetimdi ári sapaly meditsinalyq kómekpen qamtamasyz etýge múmkindik beredi.
Qazirgi tańda Úkimet Arnaýly memlekettik qordan áleýmettik mańyzy bar nysandardyń qurylysyna shamamen 55,2 mlrd teńge bóldi. Olardyń qatarynda 4 mektep, onyń bireýi 1 mýzykalyq mektep, 2 sport kesheni, kópsalaly aýrýhana kesheni, jataqhana jáne 2 balabaqsha bar. Sondai-aq «Zańsyz iemdenilgen aktivterdi memleketke qaitarý týraly» Zańǵa sáikes sýbektilerdiń qarajaty esebinen Arqalyq, Astana jáne Almaty qalalarynda birqatar áleýmettik infraqurylym nysandary salynýda.
