Memleket basshysynyń tapsyrmasymen elimizde «Keleshek mektepteri» ulttyq jobasy iske asyrylýda. Jobanyń maqsaty – elimizdiń barlyq óńirlerinde kez-kelgen balaǵa qoljetimdi jańa formattaǵy bilim berý uiymdaryn qurý.
Joǵary sapaly bilim berý standarttaryn jappai engizý arqyly, ár balanyń jan-jaqty damýyna jáne óz áleýetin tolyq ashýǵa teńdei múmkindikter jasaý. Bul mektepter XXI ǵasyrdyń talaptaryna sai zamanaýi bilim berý infraqurylymyn qurý jolyndaǵy strategiialyq bastama.
Osy joba aiasynda 2024 jyldyń 13 qańtar aiynda Aqtaý qalasynda jańa úlgidegi №33 mektebi jumysyn bastady. Bilim berý mekemesi zamanaýi talaptarǵa sai jabdyqtalyp, oqýshylarǵa sapaly bilim alýǵa jáne jan-jaqty damýǵa tolyq múmkindik beredi.
Jańa mekteptiń múmkindikteri
Mektepte túrli pánderge arnalǵan pándik kabinetter, STEM zerthanasy, robototehnika synyby, lingafondy kabinet, kompiýterlik synyptar, logoped jáne pedagog-psiholog kabinetteri, sensorlyq jáne oiyn bólmeleri, bastaýysh synyptarǵa arnalǵan oqý kabinetteri men zerthanalar qarastyrylǵan.
Sonymen qatar mektepte keń sport zaldary, ashana, kitaphana, konferents-zal jáne meditsinalyq kabinetter bar.
Kásibi kadrlar jáne oqýshylar kontingenti
Mektepte 96 muǵalim qyzmet etedi. 2024–2025 oqý jylynda jalpy 1 myńnan astam oqýshy bilim aldy. Pedagogikalyq ujym oqýshylardyń sapaly bilim alýymen qatar, olardyń syni oilaý, shyǵarmashylyq jáne tsifrlyq saýattylyq daǵdylaryn damytýǵa basa nazar aýdarady.
Qosymsha bilim berý: úiirmeler men sektsiialar
Mektepte oqý protsesinen tys ýaqytta oqýshylardyń bos ýaqytyn tiimdi ótkizýine jáne jeke qabiletterin damytýyna múmkindik beretin túrli úiirmeler jumys isteidi. Atap aitqanda, jeńil atletika, shahmat jáne fýtbol sektsiialary oqýshylar arasynda joǵary suranysqa ie. Bul úiirmeler jas erekshelikterine qarai uiymdastyrylyp, oqýshylardyń fizikalyq jáne ziiatkerlik damýyna oń yqpal etýde.
№33 mektep – "Keleshek mektepteri" ulttyq jobasynyń naqty nátijesi retinde, bolashaq urpaqtyń sapaly bilim alýyna, jan-jaqty damýyna jáne básekege qabiletti tulǵa bolyp qalyptasýyna berik negiz qalap otyr. Zamanaýi infraqurylym, kásibi kadrlar men oqýshyǵa baǵyttalǵan orta – bilim berý sapasyn jańa deńgeige kóterýdiń senimdi joly.
