Aqtaýdyń 12-shaǵynaýdanynda eki ai buryn ǵana paidalanýǵa berilgen fýtbol alańy qazirdiń ózinde jóndeýdi qajet etedi. Turǵyndar búlingen qaqpalardyń balalar úshin qaýipti ekenin aityp dabyl qaqty, dep habarlaidy dalanews.kz.
12-shaǵynaýdandaǵy №31 úidiń turǵyndarynyń aitýynsha, sport alańy jaqynda ǵana abattandyrylǵanymen, arada eki ai ótpei jatyp toza bastaǵan. Ásirese fýtbol qaqpalarynyń zaqymdanýy turǵyndardy alańdatyp otyr.
Olardyń sózinshe, balalar oinap júrgen kezde qaqpanyń konstrýktsiiasy synyp qalǵan. Turǵyndar jabdyqtyń óte juqa materialdan jasalǵanyn ári jerge senimdi bekitilmegenin aitady.
«Alań jańa bolsa da, qazirdiń ózinde osyndai kúige tústi. Qaqpalar juqa materialdan jasalǵan, óte jeńil ári durys bekitilmegen. Mundai qaqpa kez kelgen sátte qulap ketýi múmkin. Onda balalardyń qaýipsizdigi týraly qalai aitýǵa bolady?» - deidi turǵyndardyń biri.
Turǵyndardyń pikirinshe, balalar alańyna ornatylǵan sport jabdyqtary belsendi paidalanýǵa tózimdi ári qaýipsiz bolýy tiis. Olar anyqtalǵan kemshilikterdi tez arada joiýdy surap otyr.
Aqtaý qalasy ákimdigi turǵyndardyń shaǵymy qalalyq turǵyn úi-kommýnaldyq sharýashylyǵy bólimine joldanǵanyn málimdedi. Vedomstvo basshysy merdiger uiymǵa anyqtalǵan aqaýlardy qysqa merzimde joiýdy tapsyrǵan.
