QJSA direktory Jasulan Súiinshiálievtiń aitýynsha, qazirgi tańda mekemeniń mamandandyrylǵan tehnikasy eskirgen. Qalalyq injenerlik jelilerdiń jalpy uzyndyǵy 1232 shaqyrymdy quraidy, onyń 82 paiyzy tozǵan.
– 1-shaǵynaýdannan 29-shaǵynaýdanǵa deiingi injenerlik jeliler jańartýdy qajet etedi. Osyǵan orai arnaiy joba ázirlenip, jumys toby quryldy. Jobany júzege asyrý úshin qala bes aimaqqa bólindi. Barlyq qubyrlardy jańǵyrtýǵa shamamen 194 milliard teńge qajet. Qazirgi tańda birinshi kezeń boiynsha 1 jáne 6-shaǵynaýdan aralyǵyndaǵy 67 shaqyrym qubyrdy diametri 220 sm zamanaýi polietilen qubyrlaryna aýystyrý josparlanýda. Osylai jumys jalǵasa beretin bolsa, 2025 jylǵa deiin qaladaǵy eskirgen qubyrlardyń barlyǵyn aýystyramyz, – dedi Jasulan Súiinshiáliev.
Aimaq basshysy atalǵan máseleler el Prezidenti men Úkimettiń qoldaýy arqyly sheshiletinen atap ótti. Bul shara – qalanyń kommýnaldyq infraqurylymyn jańartýǵa jáne injenerlik jelilerdegi apattar máselesin sheshýge múmkindik beredi.
Ótken jyly qubyrlardyń eskirý saldarynan 1500-den astam apattyq jaǵdai oryn alǵan. Bul – kúnine orta eseppen 5 apattyq oqiǵa bolady degen sóz. Sonyń saldarynan turǵyndardy turaqty sýmen jáne jylýmen qamtamasyz etý múmkin bolmai otyr. Aita keterlik jait, 2018-2021 jyldar aralyǵynda tariftiń tómendeýi men tutynýshylardyń tólemderdi ýaqytynda tólemeýi saldarynan mekeme 422 million teńge kóleminde shyǵynǵa ushyraǵan. Sondyqtan kásiporyn turaqty jumys isteýi úshin turǵyndar kommýnaldyq tólemderdi der kezinde tóleýi qajet.mekeme 422 million teńge kóleminde shyǵynǵa ushyraǵan. Sondyqtan kásiporyn turaqty jumys isteýi úshin turǵyndar kommýnaldyq tólemderdi der kezinde tóleýi qajet.
Jiyn barysynda aimaq basyshysy qaladaǵy turǵyn úi qurylystarynyń bei-bereket salynýy saldarynan, halyqtyń sý men jylý máselesinde jii qiyndyqtarǵa tap bolatynyn aitty.
– Qala ákimine Aqtaýdaǵy bei-bereket qurylysty toqtatýdy tapsyramyn. Qalanyń kommýnaldyq qyzmetiniń qýaty qurylys qarqynyna sai emes. Sonyń saldarynan turǵyndar zardap shegýde. Iá, biz qalany kórkeitýge úles qosyp júrgen kásipkerlerdi qurmetteimiz. Biraq bul máseleni sheshpei, qalanyń qarqyndy damýyn uiymdastyrý qiyn. Bir erekshelik – halyqtyń sapaly ómir súrýin qamtamasyz etetin áleýmettik, kásipkerlik nysandardyń qurylysy jalǵasa beredi. Bizge turǵyndardan memlekettik qyzmet kórsetý sapasyna qatysty kóptegen shaǵymdar túsedi. Sondyqtan naqty sheshimder qabyldaimyz, – dedi Nurlan Noǵaev.
Sondai-aq jiynda 2022-2023 jyldardaǵy jylytý maýsymyna daiyndyq máseleleri kóterildi. Aita ketý kerek, Aqtaý qalasyna 745 g/kal jylý qajet. Onyń 500 g/kal jylýyn «MAEK-Qazatomónerkásip» mekemesi óndiredi. Búgingi tańda jylý tapshylyǵy 245 g/kal quraidy. Bul máseleni sheshý úshin Nurlan Noǵaev jaýapty tulǵalarǵa qosymsha qazandyq salý boiynsha shuǵyl sharalar qabyldaýdy tapsyrdy. Ol óz kezeginde qaladaǵy jylý tapshylyǵyn joiady dep kútilýde.
Sondai-aq, oblys basshysy jaýapty tulǵalarǵa menshik ieleri birlestiginiń jylý berý maýsymyna daiyndyǵyn tekserý jumysyn kúsheitýdi tapsyrdy.
