قجسا ديرەكتورى جاسۇلان سۇيىنشىالييەۆتىڭ ايتۋىنشا، قازىرگى تاڭدا مەكەمەنىڭ مامانداندىرىلعان تەحنيكاسى ەسكىرگەن. قالالىق ينجەنەرلىك جەلىلەردىڭ جالپى ۇزىندىعى 1232 شاقىرىمدى قۇرايدى، ونىڭ 82 پايىزى توزعان.
– 1-شاعىناۋداننان 29-شاعىناۋدانعا دەيىنگى ينجەنەرلىك جەلىلەر جاڭارتۋدى قاجەت ەتەدى. وسىعان وراي ارنايى جوبا ازىرلەنىپ، جۇمىس توبى قۇرىلدى. جوبانى جۇزەگە اسىرۋ ءۇشىن قالا بەس ايماققا ءبولىندى. بارلىق قۇبىرلاردى جاڭعىرتۋعا شامامەن 194 ميلليارد تەڭگە قاجەت. قازىرگى تاڭدا ءبىرىنشى كەزەڭ بويىنشا 1 جانە 6-شاعىناۋدان ارالىعىنداعى 67 شاقىرىم قۇبىردى ديامەترى 220 سم زاماناۋي پوليەتيلەن قۇبىرلارىنا اۋىستىرۋ جوسپارلانۋدا. وسىلاي جۇمىس جالعاسا بەرەتىن بولسا، 2025 جىلعا دەيىن قالاداعى ەسكىرگەن قۇبىرلاردىڭ بارلىعىن اۋىستىرامىز، – دەدى جاسۇلان سۇيىنشىالييەۆ.
ايماق باسشىسى اتالعان ماسەلەلەر ەل پرەزيدەنتى مەن ۇكىمەتتىڭ قولداۋى ارقىلى شەشىلەتىنەن اتاپ ءوتتى. بۇل شارا – قالانىڭ كوممۋنالدىق ينفراقۇرىلىمىن جاڭارتۋعا جانە ينجەنەرلىك جەلىلەردەگى اپاتتار ماسەلەسىن شەشۋگە مۇمكىندىك بەرەدى.
وتكەن جىلى قۇبىرلاردىڭ ەسكىرۋ سالدارىنان 1500-دەن استام اپاتتىق جاعداي ورىن العان. بۇل – كۇنىنە ورتا ەسەپپەن 5 اپاتتىق وقيعا بولادى دەگەن ءسوز. سونىڭ سالدارىنان تۇرعىنداردى تۇراقتى سۋمەن جانە جىلۋمەن قامتاماسىز ەتۋ مۇمكىن بولماي وتىر. ايتا كەتەرلىك جايت، 2018-2021 جىلدار ارالىعىندا ءتاريفتىڭ تومەندەۋى مەن تۇتىنۋشىلاردىڭ تولەمدەردى ۋاقىتىندا تولەمەۋى سالدارىنان مەكەمە 422 ميلليون تەڭگە كولەمىندە شىعىنعا ۇشىراعان. سوندىقتان كاسىپورىن تۇراقتى جۇمىس ىستەۋى ءۇشىن تۇرعىندار كوممۋنالدىق تولەمدەردى دەر كەزىندە تولەۋى قاجەت.مەكەمە 422 ميلليون تەڭگە كولەمىندە شىعىنعا ۇشىراعان. سوندىقتان كاسىپورىن تۇراقتى جۇمىس ىستەۋى ءۇشىن تۇرعىندار كوممۋنالدىق تولەمدەردى دەر كەزىندە تولەۋى قاجەت.
جيىن بارىسىندا ايماق باسىشىسى قالاداعى تۇرعىن ءۇي قۇرىلىستارىنىڭ بەي-بەرەكەت سالىنۋى سالدارىنان، حالىقتىڭ سۋ مەن جىلۋ ماسەلەسىندە ءجيى قيىندىقتارعا تاپ بولاتىنىن ايتتى.
– قالا اكىمىنە اقتاۋداعى بەي-بەرەكەت قۇرىلىستى توقتاتۋدى تاپسىرامىن. قالانىڭ كوممۋنالدىق قىزمەتىنىڭ قۋاتى قۇرىلىس قارقىنىنا ساي ەمەس. سونىڭ سالدارىنان تۇرعىندار زارداپ شەگۋدە. ءيا، ءبىز قالانى كوركەيتۋگە ۇلەس قوسىپ جۇرگەن كاسىپكەرلەردى قۇرمەتتەيمىز. ءبىراق بۇل ماسەلەنى شەشپەي، قالانىڭ قارقىندى دامۋىن ۇيىمداستىرۋ قيىن. ءبىر ەرەكشەلىك – حالىقتىڭ ساپالى ءومىر ءسۇرۋىن قامتاماسىز ەتەتىن الەۋمەتتىك، كاسىپكەرلىك نىسانداردىڭ قۇرىلىسى جالعاسا بەرەدى. بىزگە تۇرعىنداردان مەملەكەتتىك قىزمەت كورسەتۋ ساپاسىنا قاتىستى كوپتەگەن شاعىمدار تۇسەدى. سوندىقتان ناقتى شەشىمدەر قابىلدايمىز، – دەدى نۇرلان نوعايەۆ.
سونداي-اق جيىندا 2022-2023 جىلدارداعى جىلىتۋ ماۋسىمىنا دايىندىق ماسەلەلەرى كوتەرىلدى. ايتا كەتۋ كەرەك، اقتاۋ قالاسىنا 745 گ/كال جىلۋ قاجەت. ونىڭ 500 گ/كال جىلۋىن «ماەك-قازاتومونەركاسىپ» مەكەمەسى وندىرەدى. بۇگىنگى تاڭدا جىلۋ تاپشىلىعى 245 گ/كال قۇرايدى. بۇل ماسەلەنى شەشۋ ءۇشىن نۇرلان نوعايەۆ جاۋاپتى تۇلعالارعا قوسىمشا قازاندىق سالۋ بويىنشا شۇعىل شارالار قابىلداۋدى تاپسىردى. ول ءوز كەزەگىندە قالاداعى جىلۋ تاپشىلىعىن جويادى دەپ كۇتىلۋدە.
سونداي-اق، وبلىس باسشىسى جاۋاپتى تۇلعالارعا مەنشىك يەلەرى بىرلەستىگىنىڭ جىلۋ بەرۋ ماۋسىمىنا دايىندىعىن تەكسەرۋ جۇمىسىن كۇشەيتۋدى تاپسىردى.
