Aqtaý qalasynyń №2 soty Oil Construction Company (OSS) munaishylarynyń qamaýdaǵy kásipodaq tóraǵasy Ámin Eleýsinovtiń ornyna ýchaske bastyǵy Berik Bekbaevty sailaý týraly «konferentsiia sheshimin» buzýdy suraǵan talap aryzyn qanaǵattandyrmady.
Sýdia munaishylar belsendisi Quspan Qosshaǵulovty OSS kásipodaq uiymy qoǵamdyq birlestiginiń tóraǵasy mindetin atqarýshy etip sailaǵan kásipodaqtyń basqarma músheleriniń 1 naýryzdaǵy otyrysy hattamasynyń zańsyz dep tanylǵanyn málimdedi.
Sot otyrysyna kýá retinde shaqyrylǵan OSS kompaniiasynyń jumysshylary Saǵynysh Nurǵaliev pen Rýslan Ábýov "eshqandai konferentsiianyń bolmaǵanyn", ózderine "kásipodaqtyń jańa tóraǵasyn sailaý týraly áldebir qaǵazǵa májbúrlep qol qoidyrtqanyn" aitty.
OSS munaishylary kásipodaǵynyń tóraǵasy mindetin atqarýshy Berik Bekbaevtyń tarapynan kýálik etýge kelgen Nurbek Esenbaev «konferentsiiada» hatshy retinde tek qol qoiǵanyn, biraq oǵan qansha adam qatysqanyn bilmeitinin aitty. Al júrgizýshi Aqylbek Ákimiiazov "eshqandai jinalysty da, hatshyny da kórmegenin", biraq qol qoiǵanyn aitty.
Munaishylar kásipodaqty qorǵap qalý úshin ary qarai aryzdanatyndaryn aitty.
OSS jumysshylarynyń kásipodaǵy basshysy Ámin Eleýsinov Aqtaýda biyl qańtardyń 5-inen 21-ine deiin kásipodaq keńsesinde ótken munaishylardyń jappai ashtyq aktsiiasy kezinde ustalyp, Astanaǵa jetkizilgen soń eki aiǵa qamaýǵa alynǵan. Oǵan "qylmystyq senip tapsyrylǵan bóten múlikti iemdendi, talan-tarajǵa saldy", "bilik ókilderine baǵynbady, olardy ǵaibattady, kedergi keltirdi" degen aiyptar taǵylǵan. Onymen birge qamaýǵa alynǵan OSS kásipodaǵynyń eńbek inspektory Nurbek Qushaqbaev "zańsyz ereýilge qatysýdy jalǵastyrýǵa arandatty" dep aiyptalyp, 2 jyl 6 ai merzimge bas bostandyǵynan aiyryldy. Sot odan Techno Trading kompaniiasy talap etken 25 million 200 myń teńgege jýyq "materialdyq shyǵyndy" óndirip berýge úkim kesti.
