اقتاۋ قالاسىنىڭ №2 سوتى Oil Construction Company (وسس) مۇنايشىلارىنىڭ قاماۋداعى كەسٸپوداق تٶراعاسى ەمين ەلەۋسٸنوۆتٸڭ ورنىنا ۋچاسكە باستىعى بەرٸك بەكباەۆتى سايلاۋ تۋرالى «كونفەرەنتسييا شەشٸمٸن» بۇزۋدى سۇراعان تالاپ ارىزىن قاناعاتتاندىرمادى.
سۋديا مۇنايشىلار بەلسەندٸسٸ قۇسپان قوسشاعۇلوۆتى وسس كەسٸپوداق ۇيىمى قوعامدىق بٸرلەستٸگٸنٸڭ تٶراعاسى مٸندەتٸن اتقارۋشى ەتٸپ سايلاعان كەسٸپوداقتىڭ باسقارما مٷشەلەرٸنٸڭ 1 ناۋرىزداعى وتىرىسى حاتتاماسىنىڭ زاڭسىز دەپ تانىلعانىن مەلٸمدەدٸ.
سوت وتىرىسىنا كۋە رەتٸندە شاقىرىلعان وسس كومپانيياسىنىڭ جۇمىسشىلارى ساعىنىش نۇرعاليەۆ پەن رۋسلان ەبۋوۆ "ەشقانداي كونفەرەنتسييانىڭ بولماعانىن", ٶزدەرٸنە "كەسٸپوداقتىڭ جاڭا تٶراعاسىن سايلاۋ تۋرالى ەلدەبٸر قاعازعا مەجبٷرلەپ قول قويدىرتقانىن" ايتتى.
وسس مۇنايشىلارى كەسٸپوداعىنىڭ تٶراعاسى مٸندەتٸن اتقارۋشى بەرٸك بەكباەۆتىڭ تاراپىنان كۋەلٸك ەتۋگە كەلگەن نۇربەك ەسەنباەۆ «كونفەرەنتسييادا» حاتشى رەتٸندە تەك قول قويعانىن, بٸراق وعان قانشا ادام قاتىسقانىن بٸلمەيتٸنٸن ايتتى. ال جٷرگٸزۋشٸ اقىلبەك ەكٸمييازوۆ "ەشقانداي جينالىستى دا, حاتشىنى دا كٶرمەگەنٸن", بٸراق قول قويعانىن ايتتى.
مۇنايشىلار كەسٸپوداقتى قورعاپ قالۋ ٷشٸن ارى قاراي ارىزداناتىندارىن ايتتى.
وسس جۇمىسشىلارىنىڭ كەسٸپوداعى باسشىسى ەمين ەلەۋسٸنوۆ اقتاۋدا بيىل قاڭتاردىڭ 5-ٸنەن 21-ٸنە دەيٸن كەسٸپوداق كەڭسەسٸندە ٶتكەن مۇنايشىلاردىڭ جاپپاي اشتىق اكتسيياسى كەزٸندە ۇستالىپ, استاناعا جەتكٸزٸلگەن سوڭ ەكٸ ايعا قاماۋعا الىنعان. وعان "قىلمىستىق سەنٸپ تاپسىرىلعان بٶتەن مٷلٸكتٸ يەمدەندٸ, تالان-تاراجعا سالدى", "بيلٸك ٶكٸلدەرٸنە باعىنبادى, ولاردى عايباتتادى, كەدەرگٸ كەلتٸردٸ" دەگەن ايىپتار تاعىلعان. ونىمەن بٸرگە قاماۋعا الىنعان وسس كەسٸپوداعىنىڭ ەڭبەك ينسپەكتورى نۇربەك قۇشاقباەۆ "زاڭسىز ەرەۋٸلگە قاتىسۋدى جالعاستىرۋعا ارانداتتى" دەپ ايىپتالىپ, 2 جىل 6 اي مەرزٸمگە باس بوستاندىعىنان ايىرىلدى. سوت ودان Techno Trading كومپانيياسى تالاپ ەتكەن 25 ميلليون 200 مىڭ تەڭگەگە جۋىق "ماتەريالدىق شىعىندى" ٶندٸرٸپ بەرۋگە ٷكٸم كەستٸ.
