Aqtaý qalasynyń prokýrory halyqty alaiaqtarǵa jem bolmaýdyń amalyn aitty
1). Qazirgi tańda Politsiiamen azamattardy aldap kólik nesiesin rásimdegen alaiaqtar tobyna qatysty is tergelýde.
Atalǵan is boiynsha óńirimizdiń turǵyndary aqshalai syiaqy alyp, ózderiniń attaryna milliondaǵan nesie rásimdep, kólikterdi alaiaqtardyń qolyna bergen.
Mundai jaǵdaidan aýlaq bolýdyń jalǵyz joly – ol eshqashan, kez kelgen syiaqyǵa, bireý úshin óz atyna nesie almaý.
2). Alaiaqtyqtyń eń kóp taraǵan túri - banktik alaiaqtyq.
Sizge qońyraý shalyp, alaiaqtar ózderin bank nemese quqyq qorǵaý organdarynyń qyzmetkeri retinde tanystyryp, sizdiń shotyńyzdan bireý aqsha alýǵa árekettenip jatyrǵanyn habarlaidy.
Shyn máninde, sizdi aldap, bank kartasynyń nómirlerin, qupiia sózderdi alyp kedergisiz sizdiń aqshańyzdy urlaidy.
Mundai jaǵdailarda ne isteý kerek?
Birinshi. Telefon arqyly banktik kartalar men shottarǵa qatysty aqparatty eshkimge bermeńiz.
Esińizde bolsyn, eshbir bank nemese organdardyń qyzmetkeri eshqashan sizden jeke banktik aqparatty suramaidy!
Ekinshi. Mundai áreketter týraly politsiiaǵa nemese banktiń qaýipsizdik qyzmetine habarlańyz.
Qajet bolsa, banktiń jaqyn jerdegi bólimshesine habarlasyńyz.
3). Óńirimizdiń ereksheligine bailanysty munai kompaniialaryna jumysqa turǵyzamyn degen qylmystyq ister jii tirkelýde.
Azamattar alaiaqtarǵa aldanyp jumysqa turamyn degen nietpen syiaqy berip óz aqshasynan aiyrylady.
Sol sebepten, osyndai usynystar túsken jaǵdaida barlyq suraqtaryńyzben tek jumys berýshiniń kadr bólimine resmi túrde habarlasý qajet.
4). Sońǵy kezde jóndeý jumystaryn, jihaz, baspaldaq jasaimyn degen aldaý faktileri oryn alýda.
Osyndai jaǵdailarda alaiaqtar jumys jasaýdy kózdemeidi, tek kózboiaýshylyqpen ainalysady.
Mundai aldaýdyń qurbany bolmaý úshin:
Birinshiden, senimdi adamdarmen bailanysyńyz, olardyń usynystary men pikirlerin paidalanyńyz.
Ekinshiden, jumys tájiribesimen, burynǵy jumystarynyń foto-beine jazbalarymen tanysyńyz.
Olardyń saittaryn, áleýmettik jelidegi paraqshalaryn zertteńiz, ashylǵan kúnine nazar aýdaryńyz, kommentariilerdi oqyńyz.
5). Qylmystyń kelesi túri messendjerde toptar men chattar arqyly jasalady.
Ádette, «Paida», «Millioner» jáne t.b. ádemi ataýmen top qurylady.
Bul topta sizge óz úlesińizdi kóbeitýge ýáde beriledi.
Bastapqy kezeńde keibir somalar shynymen de túsýi múmkin.
Bul siz arqyly basqa adamdarǵa jarnamalaý úshin jasalady.
Ýaqyt ótken soń úlken somany jinap, topty qurýshylar sizben bailanysty toqtatyp, aqshańyzdy urlap izin sýytady.
Osyǵan bailanysty sizden suraitynym:
- mundai toptar men chattarǵa qosylmańyz;
- eger siz topta bolsańyz, qarjy salýdy jáne basqa azamattardy shaqyrýdy toqtatyńyz;
- eger siz aldanǵan bolsańyz, bul týraly jaqyndaryńyzǵa aityńyz, qaýipti eskertińiz;
- osyndai faktilerdiń barlyǵyn politsiiaǵa habarlańyz.
Qurmetti azamattar, bul úndeý kópshiliktiń nazaryn aýdarý úshin, tanystaryńyzǵa joldaýǵa múmkindigin berý úshin jáne qazirgi qaýipter týraly eskertý retinde arnaiy video-formatta jasalǵan.
Taǵy da eskertemin, sizdiń qaýipsizdigińiz óz qolyńyzda.
