Aqtaý áýejaiynda eki sheteldiktiń asqazanynan 300-ge jýyq konteiner esirtki tabyldy, dep habarlaidy Dalanews.kz.
«Ulttyq qaýipsizdik komiteti Qazaqstanǵa esirtki tasymaldaityn "jutqyshtar" dep atalatyn kontrabandalyq arnanyń jolyn kesti. 24 qańtarda Aqtaý halyqaralyq áýejaiynda Mańǵystaý oblysy boiynsha Ulttyq qaýipsizdik departamentiniń jedel qyzmetkerleri men shekarashylary eki sheteldik azamatty ustady. Olar esirtki tasymaldady degen kúdikke ilindi. Sáikesinshe jolaýshylardyń qursaq qýysyn rentgenge túsirý barysynda bógde zattardyń bar ekeni anyqtaldy. Arnaiy meditsinalyq protsedýralar arqyly sheteldikterdiń asqazanynan apiyn tobyndaǵy esirtki zattary bar 295 konteiner shyǵaryldy», - delingen Ulttyq qaýipsizdik komitetininiń habarlamasynda.
Atap ótkendei, tárkilengen zattardyń jalpy salmaǵy 2 keliden asty.
«Sot sheshimimen sottalýshylarǵa qatysty qamaýǵa alý túrindegi bultartpaý sharasy engizildi», - delingen habarlamada.
QR Qylmystyq kodeksiniń 286-babynyń 4-bóligi (Ainalymnan shyǵarylǵan nemese ainalymy shektelgen zattardy zańsyz alyp ótý) boiynsha sotqa deiingi tergeý amaldary júrgizilýde.
