اقتاۋ ەۋەجايىندا ەكٸ شەتەلدٸكتٸڭ اسقازانىنان 300-گە جۋىق كونتەينەر ەسٸرتكٸ تابىلدى, دەپ حابارلايدى Dalanews.kz.
«ۇلتتىق قاۋٸپسٸزدٸك كوميتەتٸ قازاقستانعا ەسٸرتكٸ تاسىمالدايتىن "جۇتقىشتار" دەپ اتالاتىن كونتراباندالىق ارنانىڭ جولىن كەستٸ. 24 قاڭتاردا اقتاۋ حالىقارالىق ەۋەجايىندا ماڭعىستاۋ وبلىسى بويىنشا ۇلتتىق قاۋٸپسٸزدٸك دەپارتامەنتٸنٸڭ جەدەل قىزمەتكەرلەرٸ مەن شەكاراشىلارى ەكٸ شەتەلدٸك ازاماتتى ۇستادى. ولار ەسٸرتكٸ تاسىمالدادى دەگەن كٷدٸككە ٸلٸندٸ. سەيكەسٸنشە جولاۋشىلاردىڭ قۇرساق قۋىسىن رەنتگەنگە تٷسٸرۋ بارىسىندا بٶگدە زاتتاردىڭ بار ەكەنٸ انىقتالدى. ارنايى مەديتسينالىق پروتسەدۋرالار ارقىلى شەتەلدٸكتەردٸڭ اسقازانىنان اپيىن توبىنداعى ەسٸرتكٸ زاتتارى بار 295 كونتەينەر شىعارىلدى», - دەلٸنگەن ۇلتتىق قاۋٸپسٸزدٸك كوميتەتٸنٸنٸڭ حابارلاماسىندا.
اتاپ ٶتكەندەي, تەركٸلەنگەن زاتتاردىڭ جالپى سالماعى 2 كەلٸدەن استى.
«سوت شەشٸمٸمەن سوتتالۋشىلارعا قاتىستى قاماۋعا الۋ تٷرٸندەگٸ بۇلتارتپاۋ شاراسى ەنگٸزٸلدٸ», - دەلٸنگەن حابارلامادا.
قر قىلمىستىق كودەكسٸنٸڭ 286-بابىنىڭ 4-بٶلٸگٸ (اينالىمنان شىعارىلعان نەمەسە اينالىمى شەكتەلگەن زاتتاردى زاڭسىز الىپ ٶتۋ) بويىنشا سوتقا دەيٸنگٸ تەرگەۋ امالدارى جٷرگٸزٸلۋدە.
