AQSh-tyń Qazaqstandaǵy elshisi Deniel Rozenbliým otstavkaǵa ketetinin málimdedi, dep habarlaidy Dalanews.kz.
Ol Qazaqstan úkimetine 2025 jyldyń 20 qańtarynda qyzmetinen ketip, zeinetke shyǵatynyn habarlaǵan. Rozenbliým AQSh Memlekettik departamentinde 28 jyl boiy qyzmet atqardy.
Elshi óz málimdemesinde eki el arasyndaǵy seriktestiktiń nyǵaia túskenin atap ótti. Sonymen qatar Qazaqstanda eńbek etken jyldary úshin alǵys bildirdi.
"Qazaqstanda qyzmet etý jáne onyń mádenietimen tanysý men úshin úlken mártebe boldy”, — dedi ol.
Elshi otstavkaǵa ketkennen keiin AQSh-tyń Qazaqstandaǵy diplomatiialyq missiiasynyń ýaqytsha jetekshisi qyzmetin onyń orynbasary Debora Robinson atqaratyn bolady. Almaty qalasyndaǵy AQSh Bas konsýly Mishel Erkin konsýldyqtyń jumysyn qoldaýdy jalǵastyrady.
Otstavkaǵa deiin Rozenbliým osy jyly belgilengen mindetterin aiaqtap, diplomatiialyq missiianyń sabaqtastyǵyn saqtaý úshin jumystaryn jalǵastyrady.
Aita keteiik, Rozenbliýmnyń basshylyǵymen AQSh pen Qazaqstan arasyndaǵy saýda, investitsiia, bilim berý jáne qaýipsizdik salalarynda aitarlyqtai jumystar júzege asty.
