«Ádilet» partiiasynyń músheleri men partiianyń Iskerlik keńesiniń ókilderi Mańǵystaý oblysyndaǵy oqý-jattyǵý kezinde qaza tapqan jáne zardap shekken áskeri qyzmetshilerdiń otbasylaryna kómek kórsetý úshin 1 mlrd 500 mln teńge jinady, dep habarlaidy dalanews.kz.
Barlyq jarna erikti túrde berilgen.
Eń iri somany Respýblikalyq taý-ken jáne metallýrgiia kásiporyndary qaýymdastyǵynyń atqarýshy direktory Nikolai Radostovets aýdardy. Ol 600 mln teńge bóldi.
«Alageum Group» AQ Direktorlar keńesiniń tóraǵasy Erkebulan Iliiasov pen «VD-Stroi Injiniring» JShS Baqylaý keńesiniń tóraǵasy Erkin Oqasov 300 mln teńgeden kómek kórsetti.
Sonymen qatar Elbegi Ábdiev, Qanat Ibraev, Murat Ámirin, Iýliia Iakýpbaeva, Serik Amanǵaliev jáne Talǵat Temirhanov 50 mln teńgeden aýdardy. Olardyń barlyǵy «Ádilet» partiiasy men Iskerlik keńestiń músheleri.
Jinalǵan qarajat qaza tapqan jáne zardap shekken áskeri qyzmetshilerdiń otbasylaryna kómek kórsetý úshin «Ulttyq rýh» qoryna aýdarylady.
Partiia ókilderiniń málimetinshe, qarajat jinaý jalǵasady. Partiianyń basqa da músheleri kómek kórsetýge atsalysyp jatyr.
«Ádilet» partiiasynyń músheleri Mańǵystaý oblysyndaǵy oqý-jattyǵý kezinde qaza tapqan áskeri qyzmetshilerdiń otbasy men jaqyndaryna kóńil aityp, zardap shekkenderdiń tezirek saýyǵyp ketýine tilektestik bildirdi.
