AQSh áskeri áýe kúshteriniń strategiialyq bombylaýshy ushaqtary Pentagonnyń áskeri kúsh qoldana alatynyn kórsetý úshin Soltústik Koreia jaǵalaýlaryna jaqyn bardy. Bul týraly baq.kz-ke silteme jasap, dalanews.kz saity habarlaidy.
AQSh qarýly kúshteriniń B-1B Lancer strategiialyq reaktivti bombylaýshy ushaǵy joiǵysh ushaqtardyń qorǵaýynda Soltústik Koreianyń shyǵys jaǵyndaǵy halyqaralyq keńistikpen ushyp ótti. Ondaǵy maqsat prezident Donald Tramptyń Phenianmen máseleni áskeri jolmen sheshý múmkindigi bar ekenin kórsetý bolǵan.
Pentagonnyń baspasóz hatshysy Dana Ýaittyń aitýynsha, bul amerikan áskeri ushaqtarynyń 21 ǵasyrda atalǵan aimaqtaǵy beitarap zonaǵa eń ishkerilei kirýi.
«Bul KHDR-diń aqylǵa syiymsyz áreketterin biz bei-jai qaldyrmaitynymyzdy bildiredi. Bul missiia - AQSh-tyń qatań qimyldarǵa barýǵa daiyn ekenin jáne prezidenttiń qolynda kez kelgen qaýipti joiýdyń kóptegen varianttary bar ekenin kórsetetin aiqyn belgi» dedi ol.
Dana Ýait sonymen qatar Soltústik Koreianyń qarý-jaraq baǵdarlamasyn halyqaralyq qaýymdastyqqa tóngen qater dep atady.
«AQSh-ty jáne onyń odaqtastarynyń territoriiasyn qorǵaý úshin biz áskeri múmkindikterdi keńinen paidalanýǵa daiynbyz» dedi Pentagon ókili.
Munyń aldynda AQSh prezidenti Donald Tramp Soltústik Koreiany qurtyp jibere alatyny týraly aityp, ol eki el basshylarynyń bir-birin tildeýine ulasqan bolatyn.
