Munai baǵasy sońǵy birneshe aidaǵy eń joǵary deńgeidi igerdi. Reseidiń munai sektoryna baǵyttalǵan jańa amerikalyq sanktsiialardan keiin osylai boldy. Búgin, 13 qańtarda Brent markaly munaidyń bir barreli 1,35 dolllarǵa qymbattap, baǵasy 81,11 dollar boldy. Al West Texas Intermediate markaly amerikalyq munai 1,40 dollarǵa qymbattap, bir barreli 77,97 dollar boldy, dep jazady Dalanews.kz.
Aita ketsek, AQSh ótken jumada, 10 qańtarda Reseidiń energetikalyq sektoryna qarsy jańa sanktsiialar engizdi. Mamandar bul Reseige jasalǵan aýyr soqqy ekenin aityp, boljam jasaýda. Muhittyń arǵy jaǵyndaǵylar bul sheshimi arqyly Baiden ketip bara jatyp, Trampqa "tosynsyi jasap ketti" dep shýlasýda. Óitkeni atalǵan sanktsiiadan keiin, sarapshylar "AQSh-tyń ózinde janar-jaǵarmai qymbattaýy múmkin" degen boljam jasasty. Al qymbatshylyqpen kúres kez kelgen bilikten áleýettiń jasaityn eń birinshi talaby ekeni belgili.
Qalai degenmen de AQSh Ulttyq ekonomikalyq keńesiniń direktory Dalip Singh jańa sanktsiialar Reseige "aiyna milliardtaǵan dollar" shyǵyn ákeledi dep baǵalaidy. Óitkeni sanktsiialar tizimine Reseidiń tórt iri munai óndirýshileriniń ekeýi ("Gazprom neft" jáne "Sýrgýtneftegaz"), ondaǵan munai servistik kásiporyndar, búkil álem boiynsha Resei munaiymen saýda jasaityn treiderler kiredi. Amerikalyq biliktiń sońǵy áreketteri" Resei munaiynyń saýdasyna bailanysty sanktsiialyq táýekelderdi edáýir arttyrady " dep sanaidy AQSh-tyń qarjy ministrligi.
Sondai-aq, AQSh-tyń sanktsiialaryna "Gazprom neft" jáne "Sýrgýtneftegazdyń" enshiles kompaniialary da jatqyzyldy. Olardyń qatarynda "Gazpromneft Tájikstan", Gazprom Neft International SA", "Gazpromneft-Qazaqstan", "Gazpromneft Aziia"(Qyrǵyzstan)", "Munai myrza" (Qyrǵyzstan), Sýrgýtneftegazbank te bar.
Iaǵni, bul sanktsiiaǵa Qazaqstannyń ár óńirinde 78 beketi bar "Gazpromneft-Qazaqstan" janar-jaǵarmai quiý jelileri de enip otyr. Onyń saldary jaiynda kelesi maqalada jazatyn bolatynbyz.
Al Kreml jańa sanktsiialarǵa bailanysty málimdeme jasap ta úlgerdi: "Djo Baiden ákimshiligi jańa sailanǵan prezident Donald Trampqa Reseimen aradaǵy qarym-qatynas boiynsha "eń aýyr mura" qaldyrýǵa tyrysqan sekildi. Álbette, Resei tarapy shekteýlerdi alyp tastaýdy talap etetin bolady".
Al Resei munaiyn satyp alýshy Vengriia baǵanyń ósimine bailanysty odaqtastarmen kelissózder júrgizetinin málimdedi, dep jazady Reuters-ke silteme jasap,EurAsia Daily.
"Bul sanktsiialar paketi Ortalyq Eýropaǵa taǵy da úlken qiyndyqtar týǵyzýda", — dedi Syrtqy ister ministri Piter Siiiarto.
Ol shiki munaidyń azaiýy janar-jaǵarmai, dizel jáne basqa da tazartylǵan otynǵa suranystyń artýyna, sáikesinshe óńirdegi baǵanyń qatty ósýine ákelip soǵatynyn boljaidy, dep naqtylaidy RBK.
Buǵan deiin, iaǵni 2025 jyly 8 qańtarda "Munai kontrabandasy: Irannyń kóleńkeli floty sanktsiiadaǵy basqa elderge de kómektesip kelgen" degen maqala jazǵan bolatynbyz. Osy taqyrypta sheteldik BAQ-ta egjei-tegjeili jariialanǵan zertteýge qarap, sarapshylar kezekti sanktsiia Reseidiń basty tabys kózi - munai sektoryna baǵattalýy múmkin ekenin topshylaǵan.
