AQSh-ta zańsyz júrgen qazaqtarǵa elge qaitý úshin myń dollardan beriledi, dep habarlaidy Dalanews.kz.
10 mamyrda AQSh prezidenti Donald Tramp arnaiy jarlyqqa qol qoiyp, zańsyz migranttar úshin elden erikti túrde shyǵýǵa arnalǵan baǵdarlama iske qosylǵanyn málimdedi.
Bul bastama aiasynda AQSh aýmaǵyndaǵy zańsyz migranttar, sonyń ishinde qazaqstandyqtar da arnaiy CBP Home atty mobildi qosymsha arqyly biletterin aldyn ala brondap, tegin ushýǵa múmkindik alady. Sonymen qatar, migranttarǵa $1000 kóleminde qarjylai syiaqy qarastyrylǵan.
"Búgin Amerika tarihyndaǵy alǵashqy óz erkimen deportatsiialaý baǵdarlamasyn bastaý týraly jarlyqqa qol qoidym. Kez kelgen adam jai ǵana áýejaiǵa kelip, tegin bilet ala alady", — dedi Tramp Truth Social jelisinde.
Bul baǵdarlama arqyly elge qalai qaitý kerek ekeni jóninde jáne tolyq erejesimen AQSh-tiń ishki qaýipsizdik departamentiniń saitynda tanysýǵa bolady.
