Basylymnyń habarlaýynsha, bul jaiyndaǵy aqparatty AQSh-tyń Saýda ministri Djin Raimondo senatorlar aldynda jasaǵan baiandamasynda aitqan.
– Bizge ýkrainder Reseidiń buzylǵan áskeri tehnikalaryn muqiiat qaraǵanda oǵan tońaztqysh pen ydys-aiaq jýatyn mashinalardyń chipterin qoldanǵan baiqaǵandaryn aitty, – dedi Raimondo. Saýda ministrliginiń Baspasóz hatshysy Robin Patterson mundai aqparatty ýkrainder jetkizgenin rastady.
AQSh-tyń Saýda ministriniń aitýynsha, soǵys órti tutanǵaly beri Amerikanyń Reseige tehnologiiany eksporttaý kólemi 70%-ǵa qysqarǵan. Resmi Máskeýge tehnologiiany eksporttaý taǵy da 30 el kúrt toqtatqanyn eskersek, Reseidiń qarý-jaraq óndirisi aýyr jaǵdaimen betpe-bet kelgenin baiqaýǵa bolady.
Djin Raimondo Senatta jasaǵan baiandamasynda búginde Reseidiń tank qurastyratyn eki birdei zaýyty syrt elderden tasymaldanatyn qosalqy bólshekterdiń taýsylýyna bailanysty jumysyn toqtatqanyn alǵa tartqan. Olar – Oral vagon jasaý zaýyty men Cheliabi taraktor jasaý zaýyty ekenin esterińizge sala ketemiz.
