باسىلىمنىڭ حابارلاۋىنشا, بۇل جايىنداعى اقپاراتتى اقش-تىڭ ساۋدا مينيسترٸ دجين رايموندو سەناتورلار الدىندا جاساعان بايانداماسىندا ايتقان.
– بٸزگە ۋكرايندەر رەسەيدٸڭ بۇزىلعان ەسكەري تەحنيكالارىن مۇقييات قاراعاندا وعان توڭازتقىش پەن ىدىس-اياق جۋاتىن ماشينالاردىڭ چيپتەرٸن قولدانعان بايقاعاندارىن ايتتى, – دەدٸ رايموندو. ساۋدا مينيسترلٸگٸنٸڭ باسپاسٶز حاتشىسى روبين پاتتەرسون مۇنداي اقپاراتتى ۋكرايندەر جەتكٸزگەنٸن راستادى.
اقش-تىڭ ساۋدا مينيسترٸنٸڭ ايتۋىنشا, سوعىس ٶرتٸ تۇتانعالى بەرٸ امەريكانىڭ رەسەيگە تەحنولوگييانى ەكسپورتتاۋ كٶلەمٸ 70%-عا قىسقارعان. رەسمي مەسكەۋگە تەحنولوگييانى ەكسپورتتاۋ تاعى دا 30 ەل كٷرت توقتاتقانىن ەسكەرسەك, رەسەيدٸڭ قارۋ-جاراق ٶندٸرٸسٸ اۋىر جاعدايمەن بەتپە-بەت كەلگەنٸن بايقاۋعا بولادى.
دجين رايموندو سەناتتا جاساعان بايانداماسىندا بٷگٸندە رەسەيدٸڭ تانك قۇراستىراتىن ەكٸ بٸردەي زاۋىتى سىرت ەلدەردەن تاسىمالداناتىن قوسالقى بٶلشەكتەردٸڭ تاۋسىلۋىنا بايلانىستى جۇمىسىن توقتاتقانىن العا تارتقان. ولار – ورال ۆاگون جاساۋ زاۋىتى مەن چەليابٸ تاراكتور جاساۋ زاۋىتى ەكەنٸن ەستەرٸڭٸزگە سالا كەتەمٸز.
