Aq úı taratqan málimetke qaraǵanda, zań Shyńjańdaǵy uıǵyrlar men basqa da musylman azshylyqtaryna qarsy qysym men zorlyq-zombylyq úshin Qytaıdyń keıbir sheneýnikterine sanksıalar salýdy kózdeıdi.
Tramptyń málimdemesine sáıkes, Qytaı sheneýnikteriniń adam quqyǵyn buzýy – bul eń aldymen musylmandardy arnaıy lagerge jiberip, olardyń ulttyq jáne dinı ustanymdaryn ózgertýge májbúrleý.
Zańda kórsetilgendeı, amerıkalyq arnaıy qyzmet pen memlekettik departament Kongreske Qytaıdaǵy uıǵyrlardyń jaǵdaıy týraly málimet berip turýy tıis. Al prezıdent 120 kún ishinde sanksıaǵa ilingen qytaı sheneýnikteriniń tizimin jarıalaýy tıis.
Zańda Qytaı Kompartıasynyń Shyńjańdaǵy lıderi, Chen Kvangýonyń aty-jóni atalǵan.
