اق ءۇي تاراتقان مالىمەتكە قاراعاندا، زاڭ شىڭجاڭداعى ۇيعىرلار مەن باسقا دا مۇسىلمان ازشىلىقتارىنا قارسى قىسىم مەن زورلىق-زومبىلىق ءۇشىن قىتايدىڭ كەيبىر شەنەۋنىكتەرىنە سانكسيالار سالۋدى كوزدەيدى.
ترامپتىڭ مالىمدەمەسىنە سايكەس، جۇڭگو شەنەۋنىكتەرىنىڭ ادام قۇقىعىن بۇزۋى – بۇل ەڭ الدىمەن مۇسىلمانداردى ارنايى لاگەرگە جىبەرىپ، ولاردىڭ ۇلتتىق جانە ءدىني ۇستانىمدارىن وزگەرتۋگە ماجبۇرلەۋ.
زاڭدا كورسەتىلگەندەي، امەريكالىق ارنايى قىزمەت پەن مەملەكەتتىك دەپارتامەنت كونگرەسسكە قىتايداعى ۇيعىرلاردىڭ جاعدايى تۋرالى مالىمەت بەرىپ تۇرۋى ءتيىس. ال پرەزيدەنت 120 كۇن ىشىندە سانكسياعا ىلىنگەن جۇڭگو شەنەۋنىكتەرىنىڭ ءتىزىمىن جاريالاۋى ءتيىس.
زاڭدا جۇڭگو كومپارتياسىنىڭ شىڭجاڭداعى ليدەرى، چەن كۆانگۋونىڭ ءاتى-جونى اتالعان.
