AQSH Kaspıı qubyr konsorsıýmy men Teńizshevroılǵa Reseıge qarsy sanksıalar aıasynda munaı qyzmetterin paıdalanýǵa ruqsat berdi, dep habarlaıdy Dalanews.kz.
AQSH Qarjy mınıstrliginiń Sheteldik aktıvterdi baqylaý basqarmasy (OFAC) Reseımen baılanysty №124-shi - "Kaspıı qubyr konsorsıýmy men "Teńizshevroıl-men» baılanysty munaı qyzmetterin avtorıtızasıalaý " týraly Bas lısenzıasyn berdi.
Bul qujat KQK jáne TSHO jobalaryna baılanysty munaı qyzmetterin usynýǵa múmkindik beredi.
Osylaısha 2025 jyly 10 qańtarda ("munaı qyzmetterine tyıym salý") jarıalanǵan qaýlymen tyıym salynǵan osy eki kompanıamen baılanysty barlyq operasıalarǵa ruqsat etildi. Ýaqytsha berilgen bul qujattyń merzimi maýsym aıaǵynda aıaqtalýy tıis bolǵan, endi ol uzaq merzimge uzartylyp otyr.
Atap aıtqanda, bul qujattyń basty ereksheligi - bas lısenzıanyń b tarmaǵy. Bul tarmaqqa sáıkes, mynandaı artyqshylyq qarastyrylady: Reseıdiń zıandy sheteldik qyzmetke salynǵan sanksıalar týraly erejeleri boıynsha tyıym salynǵan kez-kelgen operasıalardy júrgizýge ruqsat bermeıdi, 31 CFR, 587-bólim (RuHSR), onyń ishinde RuHSR-ge sáıkes buǵattalǵan kez-kelgen adamnyń qatysýymen bolatyn operasıalar, eger (!) jeke-dara ruqsat etilgen jaǵdaılardy qospaǵanda.
Aıta ketsek, bul lısenzıa amerıkalyq kompanıalardyń Reseı terıtorıasynda munaı óndirý nemese tasymalmen aınalysýyna ruqsat beredi.
"Teńizshevroıl" JSHS baspasóz qyzmetiniń málimetinshe, 2025 jyldyń qańtar-naýryz aılarynda TSHO 9,37 mln tonna munaı (74,5 mln barel) óndirgen, bul ótken jyldyń sáıkes kezeńimen salystyrǵanda 25%–ǵa artyq (7,5 mln tonna) kólem.
Sondaı-aq suıytylǵan gaz ótkizý kólemi 7%-ǵa qysqaryp, 309 myń tonnany qurady, al kúkirt jetkizilimi 27%-ǵa qysqaryp, 547 myń tonnaǵa deıin tómendedi.
Qurǵaq gazdy jetkizý kólemi edáýir ulǵaıdy: 2025 jyldyń I-toqsanynda TSHO Qazaqstannyń gaz qubyry jelisine 1,5 mlrd tekshe metrden astam kógildir otyndy aıdady, bul - ótken jyldyń kórsetkishinen 4,5 ese artyq kólem.
TSHO-nyń Qazaqstan búdjetine tikeleı tólemderi eseptilik kezeńinde 1,7 mlrd dollardan asty.
